ဗိုလ်ချုပ်ကြီးတွေရဲ့ အစီအစဉ်နဲ့ လမ်းကြောင်းပိတ်ဆို့ပြီး ဂိတ်ဖွင့်ဓားပြတိုက်စားတဲ့ မူဆယ်-လားရှိုး-မန္တလေး ကားလမ်းနဲ့ ကျနော်တို့ ကားသမားတွေရဲ့ ဘဝဒုက္ခအကြောင်း တင်ပြချင်ပါတယ်။
ကျနော်ဟာ ဘွဲ့ရတယောက်ဖြစ်ပြီး၊ ဒီကားလမ်းကြောင်းမှာ ပြေးဆွဲနေတဲ့ ကားသမားတယောက်ပါ။
ဒီလမ်းမှာ ပြေးဆွဲနေတဲ့ ကားအမျိုးအစားတွေက စစ်ဗိုလ်ချုပ်ကြီးတွေနဲ့ သူတို့ရဲ့ ဆွေတော်မျိုးတော်တွေ ပိုင်တဲ့ Express လေအိတ်မှန်လုံကား၊ Hilux ကား၊ Light Truck ကားတွေ အများဆုံးပါ။ တတ်နိုင်တဲ့ ကုန်သည်တွေက လေအိတ်ကားနဲ့ ဗင်ကားတွေ စီးပါတယ်။ မတတ်နိုင်တဲ့ ကုန်စိမ်းသမား၊ တပိုင်တနိုင် အထည်ကုန်သည်၊ ဆိုင်ကယ်စီးသမားနဲ့ ဆင်းရဲသားတွေက တယောက်ကို ကျပ် ၂၅ဝဝ နဲ့ ၃ဝဝဝ ကြား လက်မှတ်ခ ကျတဲ့ Hilux နဲ့ Light Truck ကို စီးပါတယ်။ လေအိတ်ကားက တယောက်ကို ၆၅ဝဝ နဲ့ ၇ဝဝဝ ကြား၊ ဗင်က ကျပ် ၁၃ဝဝဝ နဲ့ တသောင်းခွဲကြား ဖြစ်ကြပါတယ်။ Hilux တွေနဲ့ Light Truck တွေက လူတင်ရုံ ပြေးဆွဲရင် တွက်ခြေမကိုက်တာကြောင့် ကုန်ပါတင်ကြရပါတယ်။
ကုန်ဆိုတာလည်း ၁ဝ၅ မိုင်ဂိတ်နဲ့ သိန္နီ ရေပူဂိတ်တွေကို အဆင့်ဆင့် စစ်ဆေးခံ၊ ဓားပြတိုက်ခံ၊ အဆဲအဆိုခံပြီး တင်လာရတဲ့ ကုန်တွေပါ။ ကြက်သွန်ဖြူ၊ ဂျုံ၊ ဒေသထွက် အာလူး၊ အပေါစား အထည်၊ အပေါစား အလှကုန်တွေ။ အကောင်းစား အထည်၊ အလှကုန်၊ နာရီသုံးပစ္စည်း၊ လျှပ်စစ်ပစ္စည်းတွေက ဗိုလ်ချုပ်ကြီးတွေ ပိုင်တဲ့ Express လူစီးသီးသန့် လေအိတ်ကားတွေအတွက်ပါ။ Hilux နဲ့ Light Truck ကားတွေက ဆင်းရဲသား တပိုင်တနိုင် ကုန်သည်လေးတွေရဲ့ ကုန်တွေနဲ့ Express ကားအကျန် ကုန်လေးတွေ လိုက်တင်ရပါတယ်။
လားရှိုးရောက်ရင် ခရီးသည်ရှာရ၊ ကြွင်းကျန်ကုန်လေးတွေကို အပြေးအလွှား ရှာကြရပါတယ်။ တခါတလေ ၂ ရက်လောက် အိပ်စောင့်ရတယ်။ ပါလာတဲ့ငွေ ကုန်ပေါ့။ ကုန်ရှာလို့ရရင် ကုန်သွားတင်။ အဲဒီကုန်တင်တဲ့ အချိန်ကနေ စတော့တာပဲ။ လားရှိုးရဲနဲ့ နယ်ထိန်းဆိုတဲ့ ဓားပြတွေ ရောက်လာပြီး တောင်းတော့တာပါ။ တယောက်ကို ၅ဝဝ-၁ဝဝဝ ပုံမှန်ပေးရတယ်။ ဒါက သမာအာဇီဝလုပ်စားတဲ့ ဓားပြတွေပါ။ ပေးကြေးလေးပဲ ယူတဲ့သူပေါ့။ နယ်ထိန်းဆိုတဲ့ သူတွေကျ ဒီ့ထက်ဆိုးပါတယ်။ ’’ဟေ့ကောင် … ငါက နယ်ထိန်းကွ’’ ဆိုရင် ၃ဝဝဝ လောက်တော့ အသာလေး ပါသွားပြီ။
ဒါနဲ့ပဲ မိုးကာခင်း ကြိုးတုတ်ပြီး သွားတယ်။ ဘာ့လို့ မိုးကာခင်းရသလဲဆို တဝက်က ခရီးသည်အတွက် ချန်ရတယ်။ ဘီးလည်း စလိမ့်ရော ယာဉ်ထိန်းနဲ့ တွေ့တော့တာပဲ။ ကံမကောင်းရင် ချောလိုက်ရသေးတယ်။ နေပြည်တော်ဆိုလား၊ အပူပျော်ဆိုလားပဲ။ ယာဉ်ထိန်းလည်း နယ်ထိန်းလိုပဲပေါ့။ ခရီးသည်လေး နည်းနည်းရပြီဆိုရင် စထွက်တော့တာပေါ့။ မန်းမြို့တော်ဆီသို့။
ထွက်ထွက်ချင်း တားနေပါပြီ။ မြို့ထွက်မှာ ယာဉ်ထိန်း၊ တပ်ထိန်း၊ မူးယစ်၊ အကောက်ခွန်၊ ရဲအထူးသတင်းတပ်ဖွဲ့၊ စသုံးလုံးတို့က မွေးထားပြီး ပိုက်ဆံလိုက်တောင်းခိုင်းတဲ့ တယောက်ကို ကျပ် ၅ဝဝ ပေးရပါတယ်။ ဆက်ထွက်လာတော့ ခေးနင်းအေးရှားဝေါလ်ဂိတ်လည်း ရောက်ရော လမ်းအသုံးပြုကြေး ၅ဝဝ ပေးနေချိန်မှာ သူလည်းပဲ ရောက်လာပါတယ်။ နောက်တော့ ပို့ဆက်ဆိုတာနဲ့ တွေ့ပါလေရော။ ကျနော်တို့ကားက လုပ်ငန်း မလုပ်ရတဲ့ Light Truck ကားဆိုတော့ ဒဏ်ငွေ တသောင်းတဲ့။ ပြည်တွင်းပြန်ဆင်တဲ့ ကားမို့လို့ လုပ်ငန်းမပေးတာပါ။
ပို့ဆက်အပြီးမှာ အကောက်ခွန်။ ကျပ် ၃ဝဝဝ ပေးတာ အားမရလို့ ထပ်တောင်းလို့ ကျပ် ၇ဝဝဝ နဲ့ ဈေးတည့်သွားပါတယ်။ နောက်ခါကျ ရဲ။ သူ့ကို ကျပ် ၅ဝဝဝ၊ ယာဉ်ထိန်းရဲကျတော့ ၁၅ဝဝ၊ တပ်မတော်တပ်ထိန်းက ကားတွေပါ ဆင်းထိန်းနေတော့ ကျပ် ၂ဝဝဝ ပေးရပြန်ရော။
သီပေါတံတားရောက်ရော ရဲတံတားလုံခြုံရေး ၁ဝဝဝ၊ ယာဉ်ထိန်းက ၅ဝဝ၊ သီပေါအေးရှားဝေါလ်မှာ ရဲလုံခြုံရေးနဲ့ နယ်ထိန်း ၁၅ဝဝ၊ ဆက်ထွက်လာတော့ တံတားလုံခြုံရေးအတွက် ၁ဝဝဝ တဲ့။ ကျောက်မဲရောက်တော့ ခရာသံကြားလို့ ရပ်တော့ တပ်ထိန်းမွေးထားတဲ့ တယောက်အလှည့်။ သူ့ကို ကျပ် ၁ဝဝဝ ပေးရတယ်။ နောင်ချိုအဝင်ကျ မူးယစ်ဓားပြနဲ့ တိုးရပြန်ရော။ သူ့ကျ တသောင်းခွဲ။ ဆက်ထွက်လာတော့ နောင်ချိုယာဉ်ထိန်းအတွက် ၁ဝဝဝ။ ဝက်ဝံအရောက် ၁၅ဝဝ။ မေမြို့အဝင် ယာဉ်ထိန်းက ၁ဝဝဝ။ လုံခြုံရေးရဲက ၅ဝဝ။ မေမြို့အထွက် ယာဉ်ထိန်းရဲက ၅ဝဝ။ ပို့ဆက်ကိုကျ တောင်းတောင်းပန်ပန်နဲ့ တသောင်းခွဲ ပေးခဲ့ရတယ်။ တနေ့ထဲ ဒဏ်ငွေ ၂ ခါဆောင်ရတာပေါ့ဗျာ။
၁၆ မိုင်ဂိတ် ရောက်ပြီ။ ရဲမေဆီကို ဂိတ်ပတ်စ်ရေးခ ၂ဝဝဝ။ ကားနားမှာ ဟိုလှန်ဒီလှန်နဲ့ အကောက်ခွန်ကိုကျ တသောင်းခွဲ။ အဲဒီဂိတ်မှာပဲ ၁၃ဝဝဝ၊ မူးယစ်အတွက်ကျ တသောင်း၊ အထူးရဲသတင်းတပ်ဖွဲ့ကို ကျပ် ၂ဝဝဝ၊ လဝက က မှတ်ပုံတင်စစ်တဲ့ လူမို့လို့ ကုန်စစ်တဲ့အခါ ၁၇ဝဝဝ။ မပေးရင် ဘီးမလှိမ့်နဲ့လို့ ခြိမ်းခြောက်ပါတယ်။ ထပ်လာတာက အလုပ်သမားအဖွဲ့။ သူ့ကိုကျ ၁ဝဝဝ တဲ့။ မောင်းတံလည်း ရောက်ရော ရဲက ၃၅ဝဝ။
တင်လာတဲ့ ကုန်ဖိုးလေး ကုန်ပါလေရော။ ထပ်ပြီးတွေ့ရပြန်တာက ပို့ဆက်။ တောင်းပန်ပြီး ၅ဝဝဝ ပေးခဲ့ရပါတယ်ဗျာ။
ဒီအဖြစ်အပျက်က ပြီးခဲ့တဲ့လ ၂၄ နဲ့ ၂၅ ရက်နေ့မှာ ဖြစ်ခဲ့တဲ့ ဖြစ်ရပ်မှန်လေး ဖြစ်ပါကြောင်း။
ကားသမားတဦး
(မူဆယ်-လားရှိုး-မန္တလေး ကားလမ်း ပြေးဆွဲသူ)
