ကချင်ပြည်နယ်က လမ်းလုပ်အားပေး၊ မလိုက်နိုင်က တအိမ် ၆၀၀၀။

ကချင်ပြည်နယ်၊ မိုးကောင်းမြို့နယ် အတွင်းရှိ ကျေးရွာအုပ်စုများမှ ဒေသခံများသည် ပင်းဘောနှင့် အင်းတော်ကြီး ဒေသရှိ ချောင်းဝသို့ဆက်သွယ်မည့် မိုင်နှစ်ဆယ်ခန့်ရှည်လျားမည့် လမ်းဖောက်လုပ်ရန်အတွက် ပြီးခဲ့သည့် နိုဝင် ဘာလကုန်ပိုင်းမှ စတင်၍ လုပ်အားပေးလိုက်နေရသည်။

မိုးကောင်းမြို့နယ် တောင်ဘက်တွင်ရှိသည့် ပင်းဘော၊ ပင့်သာ၊ တောင်နီ၊ တိုက်ဝေါ်ကုန်း၊ နမ္မန၊ နန်းခွင်၊ အင် ကျင်းကုန်း၊ ကုန်းတန်းစသည့်ကျေးရွာအုပ်စုများရှိ ဒေသခံများက တအိမ်တယောက်နူန်းဖြင့် လုပ်အားပေး လိုက် ကြရပြီး မလိုက်နိုင်လျင် ကျေးရွာအာဏာပိုင်များကိုယ်တိုင် ငွေကောက်နေသည်ဟု မိုးကောင်းမြို့သားက ပြော သည်။

“အခုက လုပ်အားပေးခေါ်တာက လမ်းဖောက်ဖို့နဲ့ တံတားဆောက်မယ်ပေါ့လေ။ တံတားဆောက်မယ် ဆိုရင် လုပ်အားမပေးနိုင်ဘူးဆိုရင် ငွေကြေးတည့်ဝင်ပေါ့။ တအိမ်ကိုခြောက်ထောင်။ လူထုက ကောက် တဲ့ခါ ထည့်ရတယ်လေ။ မထည့်လို့မှ မရတာ။ ကယကတွေ ဦးစီးပြီး ကောက်တယ်ဆိုတော့။ လုပ်နိုင် တယ်ဆိုရင် ပေးစရာ မလိုဘူးပေါ့။ အခုက ဒီရဲ့ ကုန်ကျစရိတ်ကို အမှန်က ရွာတိုင်းရွာတိုင်းက တအိမ် ထောင်စီကနေ ထည့်ဝင်ရတဲ့ သဘော။ အုပ်စုများတဲ့ဟာ ရွာ အိမ်ခြေများရင်တော့ ငါးထောင်နူန်းဖြစ် သွားတာပေါ့။ အိမ်ခြေနည်းတဲ့ဟာ ခြောက်ထောင်ပေါ့။”ဟု မိုးကောင်းမြို့သားက ပြောသည်။

ဒေသခံ ကျေးရွာသားများအနေဖြင့် အလုပ်ကျပ်နေ၍လည်းကောင်း၊ လုပ်အားပေးထည့်ရန် လူမရှိ၍လည်း ကောင်း ငွေထည့်နေကြရသည်ဟု အဆိုပါ ဒေသခံက ပြောသည်။

ယခုလမ်းဖောက်၊ တံတားဆောက်လုပ်အားပေးနှင့် ပတ်သက်၍ ဒေသခံလူထု စိတ်ပျက်နေကြကြောင်း ဒေသခံ က ပြောသည်။

“အဲဒီအတွက်ကတော့ ငြီးငြူတာပေါ့၊ မငြီးငြူလို့မရဘူးလေ၊ ဘာလို့လဲဆိုတော့ လယ်ယာလုပ်ငန်းက လည်း အခုမှ စပါးသိမ်းပြီးစအချိန် စပါးတွေကို ထားသိုရတဲ့အချိန်မှာမှ သူတို့က လုပ်အားပေးဆို တော့ ငြီးငြူတာပေါ့၊ လမ်းဖောက်တာ သူတို့နယ်ခံတွေ တော်တော်ကို ငြီးငြူတာ၊ ရှင်းရှင်းပြောရရင် ဒီဟာက အစိုးရက လုပ်ရမယ့်အလုပ်တွေ။ ကုန်ကျစရိတ်ကျခံရင် သူတို့ဘဲ ကျခံရမှာ၊ အခုက ဘယ်လို လဲဆိုတော့ ဒီမှာရှိတဲ့ နယ်ခံတွေ အမြဲတမ်းလို ဖြစ်နေတာ၊ ဘာလုပ်လုပ် ဘာပေါ်လစီဘဲ ချချ ဒီမှာ နယ်ခံဘဲလေ၊”ဟု ဒေသခံက ပြောသည်။

အန်တီစုနှင့်ဂမ်ဘာရီ

ကုလမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ အီဗရာဟင် ဂမ်ဘာရီသည် ၎င်း၏ ခရီးစဉ်ပြီးဆုံးသည့် ယနေ့ မပြန်ခင် နာရီပိုင်းအလိုတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံဆွေးနွေးခွင့် ရသွားကြောင်း သိရသည်။

ဒီနေ့သတင်းများအရ အန်တီစုနှင့် အမျိုးသားဒီမိုကရေစီအဖွဲ့ချုပ်မှ တာဝန်ရှိသူ ၃ ဦးနှင့်လည်း တွေ့ဆုံခွင့်ကို နအဖမှ ခွင့်ပြုလိုက်သည်ဟုထပ်မံ ကြားသိရပါသည်။ မည်သည့်နေ့တွင် တွေ့ဆုံမည် မသိရသေးချေ။

အန်တီစု ကျန်းမာစွာဖြင့် တိုင်းပြည်အကျိုး ထမ်းရွက်နိုင်ပါစေ။

၈၈ မျိုးဆက် မြေအောက်ကျောင်းသားခေါင်းဆောင် မမီးမီးရဲ့ သဘောထား

၈၈ မျိုးဆက် မြေအောက်ကျောင်းသားခေါင်းဆောင် မမီးမီးရဲ့ သဘောထားလေးကို နှစ်သက်စွာ မျှဝေပေးတာပါ။

ကျမတို့ တိမ်းရှောင်နေရပေမယ့် ကျမတို့နဲ့ ဆက်သွယ်နိုင် တဲ့ နေရာတွေမှာ ကျောင်းသားတွေဟာ လူကိုယ်တိုင်၏ သော်လည်းကောင်း၊ သူတို့ရဲ့ ဆက်သွယ်ရေး လမ်းကြောင်း တွေသော် လည်းကောင်း ကျမတို့ကို သူတို့ အမြဲတမ်း ဆက်သွယ်ပါတယ်။ သူတို့ လုပ်မယ့်ဟာ တွေကိုလည်း ကျမတို့ကို သူတို့ ပြောပြပါတယ်။ ကျမတို့က သူတို့ကို ဦးဆောင်မှု မပေးပါဘူး။ သူတို့ရင်တွင်းက ဆန္ဒနဲ့သူတို့ဘာသာ သူတို့ဖေါ်ထုတ်နေကြတာပါ။

ကျမတို့က ၈၈ မျိုးဆက်ကျောင်းသားများဆိုပြီး ဖွဲ့ထားတာကိုက ကျမတိုချည်းမဟုတ်ဘူး။ ၁၉၈၈ ခုနှစ်ကနေစပြီးတော့ ယနေ့အထိ ကျမတို့မြန်မာပြည်ကို အလင်းရောင်ပွင့်လန်းလာအောင်လုပ်နိုင်တဲ့ မျိုးဆက်သစ် လူငယ်အားလုံးကို ဆိုလိုပါတယ်။ ကျမတို့အကိုတွေမရှိတော့လည်း ကျမတို့ဆက်လုပ်တယ်။ အဲဒီလိုပါပဲ ကျမတို့တိမ်းရှောင်နေရပေမယ့်လည်း ၈၈ မျိုးဆက်ဆိုတာ ဘယ်တော့မှ သေမသွားပါဘူး။ နေရာအနှံ့မှာ ရှိပါတယ်။ သူတို့ဘယ်လောက် ဖြိုခွင်းဖြိုခွင်း ကျမတို့ ၈၈ ကျောင်းသားမျိုးဆက်ဆိုတာ ဘယ်တော့မှ သေမသွားပါဘူး။ အဲဒီအတွက်ကြောင့်မို့လို့ အခုလို ကျောင်းသားတွေ ထွက်ပေါ်လာခြင်းဖြစ်ပါတယ်။

ကျမအနေနဲ့ကတော့ ၁၉၈၈ လိုမျိုး သွေးထွက်သံယိုဖြစ်မှုပေါ့၊ အဲဒီလိုဖြစ်မှုမျိုးကြီးကို ကျမတို့ မြန်မာပြည်သူလူထုတွေ အနေနဲ့ နောက်တကြိမ် ထပ်ပြီးတော့ မခံစားစေချင်ပါဘူး။

ဒါပေမယ့် အခုလိုမျိုးသာ အာဏာကိုသုံးပြီးတော့ လိုက်လုပ်နေမယ်ဆိုရင်တော့ ၁၉၈၈ ထက်ဆိုးတဲ့ အာဏာရှင်မှန်သမျှ လုံးဝချုပ်ငြိမ်းသွားစေမယ့် လူထုအုံကြွမှုကြီးတော့ ဖြစ်ပေါ်လာနိုင်လိမ့်မယ်လို့ ကျမမျှော်လင့်ပါတယ်။

မမီးမီး
၈၈ မျိုးဆက်ကျောင်းသား အဖွဲ့

ပခုက္ကူသံဃာများ အစိုးရ၏ လူထုထောက်ခံပွဲကို ကန့်ကွက်ဆန္ဒပြ

မြန်မာအစိုးရမှ ကမကထပြုကျင်းပသော ပခုက္ကူမြို့မှ လူထုထောက်ခံပွဲကို ကန့်ကွက်သည့်အနေဖြင့် သံဃာ တော်များက ယနေ့နံနက်တွင် မြို့အတွင်းသို့ စီတန်းလှည့်လည်ှု မေတ္တာပို့ဆုတောင်းကာ ဆန္ဒပြခဲ့ကြသည်။

သံဃာတော်များ၏ ဆန္ဒပြပွဲကို နံနက် ၉နာရီခန့်တွင် စတင်ခဲ့ပြီး ဆန္ဒပြရသည့်အကြောင်းကို ဆန္ဒပြပွဲတွင်ပါဝင် ခဲ့သော ပခုက္ကူမြို့မှ သံဃာတော်တပါးက ယခုလို မိန့်ကြားသည်။

ဦးဇင်းတို့ဒါ ပခုက္ကူမှာ လူထုထောက်ခံပွဲ အတင်းအဓမ္မလုပ်ခိုင်းနေတာ။ သူတို့က မလိုက်ချင်ဘဲ လိုက် ခိုင်းလို့ ဦးဇင်းတို့က ဒါ လက်သင့်မခံဘူး။ လက်သင့်မခံတဲ့အတွက် ဦးဇင်းတို့က ထွက်တာပဲ။

သံဃာတော်များ၏ ဆန္ဒပြပွဲသည် ပခုက္ကူမြို့ဘော်လုံးကွင်းတွင် ယနေ့ နံနက်လေးနာရီခန့်က စတင်၍ ၇နာရီခွဲ ခန့်တွင် ပြီးဆုံးခဲ့သော အစိုးရမှ ဦးစီးကျင်းပသည့် လူထုထောက်ခံပွဲများ ကန့်ကွက်ဆန္ဒပြခြင်း ဖြစ်သည်။

ဆန္ဒပြပွဲတွင် ပခုက္ကူမြို့၏ အဓိက စာသင်တိုက်ကြီးများဖြစ်သော မဟာဝိဇယရာမတိုက် (အရှေ့တိုက်)၊ မန္တလေး တိုက် (အနောက်တိုက်)၊ မဟာဝိသုဒ္ဓါရာမတိုက်( အလယ်တိုက်)နှင့် ဗောဓိမဏ္ဍိုင်တိုက်မှ သံဃာတော်၃၀၀ရာ ခန့် ပါဝင်မေတ္တာပို့ ဆုတောင်းခဲ့ပြီး သံဃာတော်များနောက်မှ ပြည်သူ ၄၀၀ကျော်လိုက်ပါ အားပေးခဲ့သည်။

သံဃာတော်များသည် ဆန္ဒပြလှည့်လည်စဉ် မင်းကွန်းဆရာတော်၏ မေတ္တာပို့နှင့် မေတ္တာသုတ်များကို ရွတ်ဆိုခဲ့ ကြသည်။

နံနက် ၁၀နာရီခွဲခန့်တွင် သံဃာတော်များသည် ပေါက်လမ်းမှတဆင့် မြို့တွင်းသို့ ကြွချီကာ ဘူတာရုံတွင် လူစုခွဲ ခဲ့ကြကြောင်း ဆန္ဒပြရာတွင်ပါဝင်ခဲ့သော ကိုယ်တော်တပါးက ပြောသည်။

အာဏာပိုင်များက သံဃာတော်များ၏ ဆုတောင်းဆန္ဒပြပွဲကို တစုံတရာနှောက်ယှက်ဟန့်တားခြင်းမရှိခဲ့ပေ။

အစိုးရမှ ဦးစီးကျင်းပသော လူထုထောက်ခံပွဲအတွက် အတင်းအကျပ်ခေါ်ယူခဲ့သော ပြည်သူများသည် ပွဲကျင်းပ ရာ ဘော်လုံးကွင်းအထိလိုက်ပါခြင်းမရှိဘဲ လမ်းတ၀က် အများအပြား လှည့်ပြန်လာခဲ့ကြသည်ဟု သိရသည်။

စက်တင်ဘာလ ၅ရက်နေ့က ပခုက္ကူမြို့မှသံဃာတော်များသည် ကုန်ဈေးနှုန်းကြီးမြင့်မှုကြောင့် ဒုက္ခရောက်ရ သော ပြည်သူများအတွက် မြို့တွင်းသို့ လှည့်လည်၍ ဆုတောင်းမေတ္တာပို့ခဲ့ရာ အာဏာပိုင်များက သေနတ်ပစ် ဖောက်ဖြိုခွင်းပြီး သံဃာတော်များကို ဖမ်းဆီးရိုက်နှက်ခဲ့သည်။ သံဃာတော်များက ယင်းကျူးလွန်မှုများအတွက် ၀န်ချတောင်းပန်ရန် အစိုးရကို တောင်းဆိုခဲ့သော်လည်း အစိုးရက လက်မခံ၍ နိုင်ငံနှင့်အ၀ှမ်းရှိ သံဃာများက အာဏာပိုင်များကို ပတ္တနိက္ကုဇ္ဖနကံပြု၍ သပိတ်မှောက်ခဲ့သည်။

A Monk’s Tale of Protest and Escape From Myanmar

By THOMAS FULLER (The New York Times)
October 26, 2007

MAE SOT, Thailand, Oct. 25 — A 24-year-old Buddhist monk who says he was one of the leaders of the recent protests in Myanmar and escaped last week painted a picture on Thursday of a bare-bones group of young monks planning and organizing what became a nationwide uprising.

During a six-hour interview in this border town, the monk, Ashin Kovida, said he had been elected the leader of a group of 15 of his fellows and led daily protests in Yangon from Sept. 18 through Sept. 27, the day after the authorities began raiding monasteries.

He said he was inspired by the popular uprisings in Yugoslavia against the government of Slobodan Milosevic, videos of which were circulated by dissident groups in Myanmar.

Eight members of his organizing committee are “missing” and six others are hiding in Yangon, he said. He described escaping to Thailand by using a false identification card, dyeing his hair blond and wearing a crucifix.

Many details of Mr. Kovida’s account could not be independently confirmed, but his role as an organizer was well known among nongovernmental organizations in Myanmar, formerly Burma, and Western human rights groups.

Hlaing Moe Than, 37, a leading organizer of students in the September demonstrations who also fled to Thailand, was shown a picture of Mr. Kovida on Thursday and confirmed his identity.

“He is one of the famous leaders among the Buddhist monks during the protests,” Hlaing Moe Than said.

Mr. Kovida’s group received financial help from three well-known Burmese dissidents — an actor, a comedian and a poet — but it did not receive foreign aid during the protests, he said.

One of his main preoccupations, he said, was providing food for the thousands of monks who came to Yangon, Myanmar’s main city, to join the protests. He said he also worried about what he called “fake monks,” whom he suspected the military government had planted.

The spark for the demonstrations came on Sept. 5, when the police fired warning shots at protesting monks in Pakokku, in central Myanmar, Mr. Kovida said.

“The first time I heard the information, I was speechless,” he said. “It was an unbelievable thing.”

Older monks and abbots urged the monks to protest in the monasteries, but the younger monks thought protesting in their cloistered world would do no good, he said.

He reached out to students he had met during alms collections and began to plan marches in Yangon.

“We realized that there was no leadership — a train must have a locomotive,” he said.

He said he helped supervise the printing of hundreds of pamphlets, titled, “The Monks Will Come Out Onto the Streets.”

“We delivered to all the monasteries.” in Yangon, he said. “We tried to distribute to other regions as much as possible.”

On Sept. 18, he led the first column of monks through the streets in Yangon, he said.

On Sept. 19, about 2,000 protesters, including 500 monks, sat on the tiled floor in Sule Pagoda, a focal point of the protests. “To continue demonstrations in a peaceful way we must have leadership,” Mr. Kovida said he told them. “I call on 10 monks to come join me in the front.”

Fifteen monks came forward, he said, to form what they called the Sangga Kosahlal Apahwe, the Monks Representative Group.

“In this country at present we are facing hardships,” he said he told the crowd, after he was elected chairman of the group. “People are starving; prices are rising. Under this military government there are so many human rights abuses. I call on people to come to join together with us. We will continue these protests peacefully every day until we win. If there are no human rights, there is no value of a human.”

He said that, for a week, he met with his group of organizers in the morning and led marches at noon. He said he heard reports on the Burmese-language service of the BBC about other monks who had organized themselves but he had never met them.

Then, on Sept. 26, the government began a violent crackdown. Security forces clubbed and tear-gassed protesters, blocked their path and arrested hundreds.

“The police pulled the monks’ robes and beat them,” Mr. Kovida said. “Nuns were stripped of their sarongs.”

He said he escaped by climbing over a brick wall.

The next day, as the crackdown intensified, he said he changed out of his robes and fled to a village about 40 miles away where, with the help of relatives and friends, he hid in an abandoned wooden hut.

He was so afraid of attracting the attention of neighbors that he suppressed his coughs and never left the dark hut for two weeks, he said. He relieved himself using a plastic bucket, he said, and friends occasionally dropped off food.

On Oct. 12, his adoptive mother, whom he called Daw Thin Thin Khaing, was detained, news that was immediately relayed to him. He fled into the night, barefoot.

“I ran down a large road,” he said. “Whenever a car came I hid in the bushes.”

He headed back to Yangon, he said, where he dyed his hair blond. He bought a crucifix in a local market and, several days later, boarded a bus heading toward the Thai border.

Using a false identity card, he passed about eight checkpoints and reached Myawadi, a border town, on Oct. 17. The next morning, he said, he crossed the Moei River to Thailand in a boat, bypassing the official border post.

An Oct. 18 article in The New Light of Myanmar, the state-run newspaper, accused him of hiding “48 yellowish high-explosive TNT cartridges” in his monastery.

Now, facing almost certain detention in Myanmar, Mr. Kovida said he would request refugee status in Thailand.

“I have been in the monkhood since I was so young,” he said. “My whole life, I have been studying only Buddhism and peaceful things.”

ရွှေဝါရောင်တော်လှန်ရေး

အပူရောင်လိူင်းတွေ တဖြတ်ဖြတ်တောက်လို့ မီးတောက်မီးလျှံတွေကြားမှာ ကစဥ့်ကလျား ပြေးနေတဲ့ ပုံရိပ်တွေ၊ တဟူးဟူး မှုတ်ထုတ် နေတဲ့ မီးခိုးငွေ့တွေကြားမှာ အပြိုပြို အလဲလဲ အလံတွေ၊ အလံတွေ လမ်းမထက်မှာ အတုံးအရုံးနဲ့ ပိုင်ရှင်မဲ့ ဖိနပ်တွေ၊ အိုင်ထွန်းနေတဲ့ သွေးကွက်တွေ၊ အပိုင်းပိုင်းပြတ်နေတဲ့ သပြေခက်တွေ ပေါက်ပြဲနေတဲ့ ဘုရားပုံ ပန်းချီကားချပ်တွေ၊ သံဆူးကြား ညပ်နေတဲ့ သင်္ဃန်းစ တွေ အားလုံးကို မြင်နေတယ်။
ကျမ နိုးထပါရစေတော့။ ကိုယ်ပေါ်ကို မွန်းကျပ်စွာ ဖိနှိပ်ထားတဲ့ လက်ကြမ်းကြီးတွေရဲ့ အောက်မှာ အသက်ရှူမရ ကယ်ကြပါဦး၊ သိနေ တယ် အရာရာကို လုံးဝကို လှုပ်မရတာတခုပဲ၊ အိပ်မက် မဟုတ်မှန်းလည်း သိနေတယ်။ ဒါဆို ဘီလူး စီးတာလား၊ သိနေရဲ့ မြင်နေရဲ့ လှုပ်လို့ကို မရဖြစ်နေတာပဲ။ မိုးခြိမ်းသံတွေလည်း အဆက်မပြတ် ကြားနေရတယ်။ ဘာတွေလဲ၊ ကယ်ကြပါဦး၊ လွင့်ကနဲ ရုတ်တရက် ပြုတ်ကျသွားတယ်။

ဟိုး..အမြင့်ကြီးက ပြုတ်ကျသလို အသည်းတအေးအေး ရှိနေသလို တလှပ်လှပ်နဲ့ပေါ့။ ရေစီးကြောင်းကြီး တခုတည်းကို ပြုတ်ကျ သွားသလို ထူးဆန်းတာက ရေလုံးဝ စိုမနေဘူး။ လွတ်ပြီကျွတ်ပြီပေါ့။ ကုန်းရုန်းထချိန်မှာပဲ ရေစီးကြောင်းထဲမှာ မျောပါလာတဲ့ သဏ္ဍာန် တခု၊ ဘာများပါလိမ့်လို့ လှမ်းမျှော်ကြည့်လိုက်တော့ အညိုအမည်း စွဲနေတဲ့ ခန္ဓာကိုယ်တခု မျောလာနေတယ်။ ဦးပြည်းပြောင်ပြောင်နဲ့ သင်္ဃန်းစက လည်ပင်းမှာ ပတ်ငြိနေတယ်။ အလို … ဘုရားရေ … အရှိုးးရာအပြည့်နဲ့ အသက်ကုန်နေတဲ့ သံဃာတော် အလောင်းပါလား … ဘုရား … ဘုရား …။
အား …
ရွှံ့ထဲနွံထဲကနေ ကျုံးရုန်းထကာ ရေမြောင်းဘောင်လေးတခုကို မေးတင်ပြီး ငိုရှိုက်မိတယ်။ ရင်ထဲ နာကျင်လွန်းလို့ရင်ကွဲမ တတ်ပဲ။ အသက်ကို မနည်းပင့်ရှူရင်းက အခုမှ ဘေးဘီကို လှည့်ကြည့်မိတယ်။ ဘုရားရေ … အမှိုက်တွေ ပြည့်နေတဲ့ ရေမြောင်းနှုတ် ခမ်းစပ်မှာ ဒါက ဘာပါလိမ့်၊ ဦးနှောက်စတွေ … သွေးတွေ စွန်းထင်းပေကျန်နေတဲ့ ဦးနှောက်စတွေ၊ အသံကုန် ခြစ်အော်လိုက်မိတယ်။
အားကုန် လွင့်ထွက်သွားသလို ဖြစ်သွားပြီး အုတ်ခဲပုံတွေကြားမှာ ခွေခွေလေး ပုံလဲသွားပြန်တယ်။ ဘုရား … ဘုရား … ဘာတွေများ ဆက်ဖြစ်ဦးမှာပါလိမ့် (အမေရေ…)။ သွေးညိုညိုစတွေ ဟိုတကွက် ဒီတကွက် အုတ်ခဲပုံလေးတွေနဲ့ သွေးကွက်လေးတွေကို ၀န်းပတ် ထားတယ်။ ဘာလေးတွေပါလ်ိမ်။ ကျောင်းတိုက်ဘေးမှာ ငိုရှိုက်နေတဲ့ အမေအိုတွေ၊ မျက်နှာလေးတွေ မှုန်မှိုင်းနေတဲ့ သီလရှင် ဆရာ လေးတွေ၊ သူတို့ဘေးမှာ မျက်နှာငယ်လေးတွေနဲ့ထိုင်နေကြတဲ့ ကလေးငယ်လေးတွေ ကုလားထိုင်ပေါ်မှာ ငူငူကြီး အောက်ကိုငေးစိုက် ကြည့်နေတဲ့ ပုံ့ပုံ့ကြီး ထိုင်နေတဲ့ ဘုန်းတော်ကြီးတပါး၊ ကျောင်းဝန်းတိုက်ထဲမှာ စီတန်းထိုင်နေတဲ့ ကိုယ်တော်တွေ ပတ်တီး အဖွေးသား တွေနဲ့ ဘာတွေ ဖြစ်ကုန်ကြပါလိမ့် …။ လွင့်ကနဲ လှည့်ပတ်ကြည့်မိတော့ အားလုံး ပြိုကျပျက်စီးနေတဲ့ ဘုရားစင်တွေ ဖရိုဖရဲဖြစ်နေတဲ့ တရားစာအုပ်တွေ … မှန်ကွဲစတွေ … သွေးတွေ … သွေးတွေ … စကားသံတွေ … သဲ့သဲ့ကြားနေရတယ်။ မနည်းလွတ်အောင် ပြေးရ တယ် ဒကာကြီး … နေမကောင်း ဖြစ်နေတဲ့ သံဃာတော်တွေလည်း အိပ်နေတုန်းပေါ့။ တိုးညင်းပြီး တုန်ခါနေတဲ့ အသံတွေ …
ရုတ်တရက် အုန်းမောင်းခေါက်သံတွေ ၀ုန်းဒိုင်းကျဲထွက်လာတယ်။ ရှိုက်ကြီးတငင်ငိုနေတဲ့ ယောင်္ကျားရင့်မကြီး တယောက်ရဲ့အသံ ရေဒီ ယို သတ္ထုလှိုင်းကနေ တုန်ခါပြီး နားစည်ကို လာထိခတ်နေတယ်။ ဘုန်းဘုန်းတွေက တုံးတွေခေါက်ပြီး ကယ်ပါလို့အကူအညီ တောင်း နေတာကို ကျနော်တို့မှာ ညမထွက်ရအမိန့်နဲ့ ဘယ်လိုမှ ထွက်ကယ်လို့မရခဲ့ဘူးဟု ငိုရင်းရှိုက်ရင်း ပြောနေတဲ့ အသံကို နားထောင်ရင်းက ဖုန်းခွက်ကို ကိုင်ရင်း မျက်ရည် ပေါက်ပေါက်ကျနေတဲ့ ကောင်မလေးတယောက် …။ အလို … ကျမကိုယ်တိုင်ပါလား၊ မငိုရဘူးလေ … မငိုရဘူး … သတင်းထောက်ဆိုတာ ခံစားချက် မထည့်ရဘူး၊ တိတ်စမ်း … အသံတွေက ဝေးသွားလိုက် နီးလာလိုက် အသံသွင်းခန်းမမှာ စာရွက်လေးကိုင်ရင်း မျက်ရည် တွေတွေကျနေတဲ့ ကောင်မလေးတယောက် …
ဒါအိမ်မက်လား … တကယ်လား အကြိမ်ကြိမ် လက်ထိပ်ကို ဆွဲစိတ်နေမိရင်းက နာကျင်လွန်းလာလို့ လက်ဖ၀ါးတွေကို ဖြန့်ကြည့်လိုက် တဲ့အခါ အလို … ဟောဟို တံတားတဖက်မှာ ရှိုက်ကြီးတငင် ငိုကြွေးနေတဲ့ လူငယ်လေးတွေ၊ မီးအားမြှင့်စက်ကြားထဲမှာ သေနတ်ဒဏ် ရာနဲ့ သွေးအိုင်ထဲမှာ လဲနေတဲ့ လူငယ်လေးနံဘေးမှာ ခြေမကိုင်မိ လက်မကိုင်မိနဲ့ ဗျာများနေတဲ့ လူငယ်လေးတယောက် ဖိနပ်သံ တခွပ်ခွပ် ကြားနေရပြီ၊ ကလေးရေ … ပြေးတော့ … ပြေးတော့လေ။
မလွတ်ဘူး … မလွတ်ဘူး … ထိုင်ချလိုက် … ထိုင်ချလိုက် … မပြေးရင် သူတို့လိုက်မပစ်ဘူး၊ ယုံကြည်စွာနဲ့ ကယောင်ကတမ်း ကိုယ်ပါ ရောယောင် ထိုင်ချလိုက်မိတယ်။ အမောတွေရယ် ဘယ်တော့မှ ပြီးပါ့မလဲကွယ်။ အား … သေပြီ … သေပါပြီ … တုတ်ချက်ကြမ်းကြမ်း တွေ ခေါင်းတွေကိုမှ ရွေးပြီး အားနဲ့မာန်နဲ့ ထုရိုက်နေတဲ့ အစိမ်းရောင် အရိပ်တွေ။ အား … ဒရွတ်တိုက် ဆွဲခေါ်နေတဲ့ လက်ကြမ်းကြမ်း တွေ၊ တော်ပါတော့ … တော်ပါတော့ ငုတ်တုတ်လေးတွေ ထိုင်နေတဲ့ ကလေးတွေ တကိုယ်လုံး တဆတ်ဆတ် တုန်ရီလို့ မျက်လုံး အကြောင်သားလေးတွေနဲ့ အလန့်တကြား အော်ငိုသံတွေ၊ ကမ္ဘာပျက်တဲ့ အလားပဲ၊ ဘုရား ကယ်ပါ၊ သူတို့ ကိုယ်ကို မမြင်လောက်ဘူး၊ အကာကြားကနေ အသာလေး လိမ့်အထွက် ဖြောင်းကနဲ ပင့်ရိုက်လိုက်တဲ့ အသံကြောင့် အလန့်တကြား ကိုယ့်ပါးကိုယ် ပြန်စမ်းမိတော့ တရပ်စပ် ပါးရိုက်ပြီး ဆွဲခေါ်တဲ့နောက် ဒရွတ်တိုက် ပါသွားရှာတဲ့ ကလေးမလေးတွေ၊ ကယ်သူမဲ့ ကူသူမဲ့ ပိုင်ရှင်မဲ့ ဖိနပ်ပုံတွေကြားမှာ ပစ္စည်းတွေကို နှုတ်သီးနဲ့ လိုက်ဟပ်နေတဲ့ အစိမ်းရောင် ခွေးတကောင် အလို … ခွေရက်သားလေး ပုံလဲနေတဲ့ တုတ်ချက်အောက်မှာ အသက်ပျောက်သွားတဲ့ အမည်မသိ လူငယ်လေးတယောက် ဘုရားဘုရား ဘာတွေများ ဖြစ်ကုန်ပါလိမ့် …။

ပြေးမှ … ပြေးမှ …
ပိတ် … ပိတ် … အရှေ့က ပိတ်ဖမ်း … ပိတ်ဖမ်း
ထိုင်ထိုင် … အားလုံး စုထိုင်စမ်း
အောင်မယ် … မင်းက ဘာကောင်လဲ … ဖုန်းဖုန်း … ဖျန်းဖျန်း …
စစ်ဖိနပ်နဲ့ စုံခုံကန်၊ နံပါတ်တုတ်နဲ့ စုံကိုင်ပြီး ရိုက်နေတယ်။ သေပါပြီ … သေပါပြီ … ခေါင်းပေါ် လက်ကိုမြှောက်ပြီး ကာထားတဲ့ အနီ ရောင်ဝတ် ကောင်လေး။ တော်ပါတော့ … တော်ပါတော့ … ကယောင်ကတမ်း ၀င်ဆွဲတာမမိဘဲ ကိုယ်ပါ လမ်းမပေါ် ပုံရပ်လဲကျတယ်။
သွား … ထ … ဟိုကားပေါ်တက် ငုတ်တုတ်လေးတွေ ထိုင်နေရာကနေ အပြေးအလွှား ဒယီးဒယိုင် ပြေးထွက်ကာမှ ကျောနောက်ကနေ နံပါတ်တုတ်နဲ့ ပြေးရိုက်လိုက်သေးတော့ အကောင်ပိန်ပိန်လေးခင်ဗျာ ၀မ်းလျားမှောက် လဲကျရှာတာကို စစ်ဖိနပ်နဲ့ ပစ်ကန်လိုက်သေး တယ်။ ထုနေရိုက်နေရင်းက ဟိုလမ်းတဖက်မှာ လမ်းဖြတ်လျှောက်လာတဲ့ အဖြူရောင် အရိပ်လေးတခု … အယ် … သေပါပြီ နံပါတ် တုတ်နဲ့မျက်နှာကို ဖြတ်ရိုက်တာ လက်နဲ့ ကာလို့ ခေါင်းကို လေးငါးချက် ဖြောင်း ဖြောင်း ဖြောင်းနဲ့ ဆင့်ဆင့်ရိုက်နေပုံများ အားမရလို့ လမ်းကူးပြီး ၀င်ရိုက်တဲ့ ကောင်က ရှိသေးတယ်။
ငါ … တောက် …
ဘယ်လိုမှ စိတ်မထိန်းနိုင်တော့လို့ပါးစပ်ထဲမှာ ကွမ်းတံတွေး အရဲသားနဲ စစ်ဝတ်စုံနဲ့ ဘီလူးပြုံးပြုံးနေတဲ့ ကောင်ကို ပါးဖြတ်ရိုက်လိုက် တာမှာ အရှိန်လွန်ပြီး ပြုတ်ကျတာ မြက်ခင်းတွေကြား ရောက်သွားပြန်တယ်။
အားလုံးငြိမ်သက် တိတ်ဆိတ်လို့၊ ပုရစ်အော်သံစူးစူးနဲ့ ငြိမ်သက်နေတဲ့ ညတည …။
ရင်ထဲမှာ သွေးရိုးသားရိုး မဟုတ်မှန်း သိပ်သိသာနေတယ်။ ဘေးဘီဝဲယာကို ကြည့်လိုက်တော့ မှောင်မှောင်မည်းမည်း ဂိုဒေါင်ကြီးတခု၊ လူတွေမှ ရှိရဲ့လား … အသာလေး ချောင်းကြည့်လိုက်တော့ ဖုန်းကနဲ ရိုက်လိုက်တဲ့ အသံကြီးတခုထွက်လာတယ်။ ခေါင်းတွေ မော်မကြည့်နဲ့ သေချင်နေလားတဲ့၊ ၀မ်းခေါင်းသံကြီးနဲ့ အော်သံထွက် လာတဲ့အခါ နောက်ဘေးဘီ ၀ဲယာတွေကနေ အသံတွေ အသံတွေ ငရဲပွက်သလို အော်လိုက် ဟစ်လိုက်ကြတာ အခုမှ ကမ္ဘာပျက်သလို အခန်းကျဉ်းလေးတွေထဲမှာ တ၀ုန်းဝုန်းနဲ့ ရိုက်နှက်သံတွေနဲ့အတူ ချုပ်နှောင်ထားတဲ့ လူတွေ လူတွေ …။ စစ်ကြောရေးစခန်းတဲ့ …။ အလန့်တကြား ပြေးထွက်လာခဲ့မိတယ်။

စီအန်အန်တို့ ဘီဘီစီတို့ကို ပြောပေးကြပါ။ မသေသေးတဲ့ လူတွေကိုလေ … မီးနဲ့ရှို့နေပါတယ် ရှိုက်ကြီးတငင် ငိုကြွေးရင်း ပြောနေတဲ့ အန်တီကြီး၊ ဘာတွေဖြစ်ကုန်ပြီလဲ လူအရှင်လတ်လတ်တောင် မီးရှို့ သတ်ရလောက်အောင် အပြစ်တွေ ဘယ်လောက်ကြီးနေလဲ။ လမ်း မထက် မေတ္တာသုတ်ရွတ်မိတာ၊ ငတ်လွန်းလို့ ဒုက္ခရောက်လွန်းလို့ ဆန္ဒကို ဖော်ထုတ်မိတာလေးကို အရှင်လတ်လတ် မီးရှို့သတ်ပစ် သတဲ့။ ဟား … မွန်းကျပ်လွန်းတဲ့ စိတ်တွေကို ထွက်ပေါက်ပေးတဲ့ အနေနဲ့သက်ပြင်း မှုတ်ထုတ်မိချိန်မှာပဲ လမ်းမပေါ် လွင့်ထွက်သွား ပြန်တယ်။
လူသူကင်းမဲ့နေတဲ့ လမ်းမလယ်မှာ ကိုယ်တယောက်တည်း ဘယ်သွားရမှန်းမသိ။ အမ … အမ ကျနော့်ကို ကယ်ပါဦးတဲ့။ ဒယီးဒယိုင်နဲ့ လျှောက်လာတဲ့ ကောင်လေးတယောက်။ သွေးတွေနဲ့ စိုရွှဲနေတဲ့ ခေါင်းကို အုပ်မိုးကိုင်ပြီး အရမ်းနာကျင်နေတဲ့ မျက်နှာနဲ့ကောင်လေး တယောက်။ အမ လိုက်ပို့ပေးမယ် ဘယ်လဲ မောင်လေးဆိုတော့ … တောင်ဥက္ကလာပကို လိုက်ပို့ပေးပါ အမရယ် ကျနော် ကိုကိုဝင်း ပါ တဲ့။ အိမ်မှာ အမေနဲ့ အဖေ စိတ်ပူနေတယ်။ မနက် အလုပ်လည်း ဆင်းရဦးမယ်တဲ့လေ။ ကိုကိုဝင်း … သူသေပြီးပြီ မဟုတ်လား။ အခု မသေသေးဘူးပဲ။ ဘုရား … ဘုရား … သွေးတွေရွှဲနေတဲ့ သူ့ခေါင်းကို အုပ်ကိုင်ပေးထားရင်းက ကူရာမဲ့ ကယ်ရာမဲ့။ ဘယ်ဘ၀က ၀ဋ်ကြွေးတွေပါလ်ိမ့်၊ ရှိုက်ကြီးတငင် ငိုမိတယ်။ အသံကုန်ခြစ်ပြီးကို အော်ငိုမိတယ်။ ပြင်းထန်လွန်းတဲ့ နာကျင်ပေါက်ကွဲနေတဲ့ စိတ်တွေ နဲ့အတူ လောဟာနယ်ထဲ မျောလွင့်သွားမိတယ်။

ဘေဘီနီလာသိန်း ဧချင်း

ဖေဖေကိုဂျင်မီ မေမေမနီလာသိန်း တို့နဲ့ သမီးလေးဖြူနေခြည်မင်းယု
(၁၉၊၆၊၂၀၀၇)

ဘေဘီနီလာသိန်း ဧချင်း
ဧလည်းတည့် ယဉ်ဧဧ
မငိုပါနဲ့ သမီးကလေး …

လေးလအရွယ်၊ သမီးငယ်သည်
ဘယ်အတွက်နှင့်၊ ပြစ်ဒဏ်သင့်၍
မိခင့်နို့နှင့် ဝေးရသနည်း။

သမီးအရွယ်၊ လေးလငယ်သည်
ဘယ်အတွက်နှင့်၊ မင်းမျက်သင့်၍
ဖခင့်ရင်နှင့် ဝေးရသနည်း။

ဧလည်းတည့် ယဉ်ဧဧ
မငိုပါနဲ့ သမီးကလေး …

နို့မ၀၍
ညညထငို၊ မျက်ရည်စိုနှင့်
စိုမျက်ရည်ခြောက်၊ တမိုးသောက်လျှင်
နောက်ထပ်တဖန် ငိုဦးမည်။

ဖ မတွေ့၍
ညညနေ့နေ့၊ ဘွားရင်ငွေ့မှာ
မေမေ့သမီး၊ ငိုရှာမည်။

မိ မလာ၍
နို့ဆာနို့ငတ်၊ မေတ္တာငတ်၍
အားပြတ်လဲကာ၊ ငိုတော့မည်။

ဧလည်းတည့် ယဉ်ဧဧ
မငိုပါနဲ့ သမီးကလေး …


နို့မရ၍
တညထငို၊ ကျီးအုပ်ပြိုသည်
ခွေးညိုထဟောင်၊ လငွေရောင်လည်း
အမှောင်ထစ်ချုန်း၊ သွေးနံ့ဖုံးကာ
ဒိုင်းဒုန်းဒိန်းညံ၊ သေနတ်သံတွေ
မိုးယံပဲ့တင် ထပ်တော့၏။

အဘွားစိတ်မှ
ပရိတ်ရွတ်သံ၊ တရားသံလည်း
ဘုန်းကြီးကျောင်းမှ
အုံးမောင်းခေါက်သံ၊ ဂီတသံလည်း
တရံမလပ်၊ စက်သေနတ်တို့
ပစ်ခတ်သံအောက် ပျောက်ကုန်၏။
တင့်ကားဘီးအောက် ရောက်ကုန်၏။

ဧလည်းတည့် ယဉ်ဧဧ
မငိုပါနဲ့ သမီးကလေး …

ဖက်ဆစ်ခေတ်သို့
စစ်ဦးဘီလူး၊ မိစ္ဆာပူးသည့်
စစ်ဦးစီးရူး၊ အာဏာမူးသည့်
တပ်မှူးကြီးတွေ
ဘုန်းကြီးကျောင်းတွင်း၊ ၀င်စီးနင်း၍
သွေးချင်းချင်းဖြာ၊ သံဃာအော်ညည်း
လင်းလုနီးမှာ
သမီးလန့်၍ ငိုပြန်သည်။

သမီးငိုသံ၊ သေနတ်သံနှင့်
အဖန်ဖန်ရော၊ သမီးမော၍
အိပ်သောခဏ
“စစ်အစိုးရ ကျဆုံးပါစေ”။

သမီးငိုသံ၊ သေနတ်သံနှင့်
အဖန်ဖန်နှော၊ သမီးစော၍
နိုးသောခဏ
“လူထုအစိုးရ ပေါ်ထွန်းပါစေ”။

ဧလည်းတည့် ယဉ်ဧဧ
မငိုပါနဲ့ သမီးကလေး …

သမီး နို့မြက်၍လည်း
အမေ့တိုက်ပွဲ မပျက်။

အမေ့ နို့သက်၍လည်း
သမီးတိုက်ပွဲ မပျက်။

ဟိံ သစ္စံ၊ အမှန်ဖက်၍
“အစိုးရပျက်”
“အာဏာစက်”ကို
ဓမ္မစက်နှင့် “ဖျက်”စေသတည်း။ ။

အောင်ဝေး
(၂၉-၉-၀၇)

မဟူရာညထဲက တိုက်ပွဲဝင်မိခင် အမေ (ဒေါင်းပျိုမေ)

“မမလေး ၊ ဟို ပတ်လည်က ဗိုက်ကြီးသည် ဗိုက်နာလို့ တဲ့။”
ခင်မမတို့ အနားမှာ လာပြီး စကားပြောနေတဲ့ ၀ါဒါမကို တန်းစီးက သတင်းပို့နေသံ ဖြစ်ပါသည်။ ခင်မမ၊ တင်မာဦး၊ အေးအေးသင်း သုံးယောက်စလုံး မတိုင်ပင်ရပဲ မတ်တပ် ထရပ်မိကြသည်။ ၀ါဒါမက တန်းစီး ဒေါ်ကြည်အောင်ကို မိန်းမထောင်နဲ့ ယောက်ျားထောင် ခြားထားတဲ့ လေးတံခါး သွားခေါက်ပြီး သတင်းပို့ဖို့ အမိန့်ပေးတော့ ခင်မမက လူနာဆီထွက်သွားနှင့်ပြီ။

ဒီမိန်းမထောင်ထဲမှာ ခင်မမတို့လို နိုင်ငံရေး အကျဉ်းသူ ၁၅ ယောက်ရှိနေသည်။ သီးသန့်လို့ ထောင်ပိုင် ထောင်မှုးတွေက နာမည်တပ်ခေါ်ပြီး သာမာန် ရာဇ၀တ်မှုနှင့် ကျသော အကျဉ်းသူများကို လုံးဝစကားသွားပြောခွင့် မပေးချေ။ ဒီလို နေရာ ကျဉ်းကျဉ်းလေးမှာ အတူနေရပြီး စကားမပြောနဲ့ဆိုတော့ သူမတို့က မလိုက်နာခဲ့။ လစ်ရင်လစ်သလို ပြော ပြောနေ၍ ၀ါဒါမတွေက သိပ်မကြည်။ အခုလည်း ဗိုက်နာနေပြီဆိုတော့ ကလေးမွေးခါနီးပြီပေါ့ ဆိုပြီး သူတို့သီးသန့်ထဲက အသက်အကြီးဆုံး ဖြစ်တဲ့ ဒီချုပ်က ဒေါ်ရင်ရွှေကို ခေါ်ပြီး ကူညီရအောင် သွားပါတော့သည်။

ဗိုက်နာလို့အော်နေတဲ့ အကျဉ်းသူက တော်တော်ငယ်ပါသေးသည်။ တကယ်တော့ ဒီထောင်ထဲကို ၀င်ဖို့က သူမ မဟုတ်ပါ။ တာဝန်ကျေ စပါး မရောင်းနိုင်လို့ သူ့ယောက်ျားကို ဖမ်းဖို့အလာ သူ့ယောက်ျားက ထွက်ပြေးသွားလို့ သူ့ကို ခေတ္တ ဖမ်းထားခြင်းသာဖြစ်သည်။ ယောက်ျားကလည်း သူ့မိန်းမ ဗိုက်ကြီးနဲ့၊ နေ့စေ့လစေ့နဲ့မို့ မဖမ်းလေတန်ဘူးလို့ တွက်ထားပြီး ထွက်ပြေးသွားတာ ဖြစ်နိုင်သည်။ ဒါပေမဲ့ အခုခေတ်ကာလက မထင်မှတ်တာတွေကို မြင်ဖူးတွေ့ဖူးအောင်ကို ဖြစ်နေတဲ့ ကာလ၊ မဖြစ်နိုင်ဖူး ဆိုတာမရှိ ၊ မဖြစ်သေးတာသာ ရှိတဲ့ ကာလ။

အခုလည်း ထောင်ထဲမှာ တက္ကသိုလ်ကျောင်းသူ ငယ်ငယ်တွေ တသုတ်ပြီး တသုတ် ၀င်လာမစဲ။ ဘာရာဇ၀တ်မှုမှ မကျူးလွန် ကြပါပဲနှင့် ထောင်ထဲသို့ ရောက်လာခဲ့ကြသည်။ လက်ရှိ အာဏာရ အစိုးရကို ဆန့်ကျင်ရဲကြသူတွေမို့ သာမာန် အကျဉ်းသူတွေက လေးစားကြသည်။ သူတို့တွေက ခပ်ပျော်ပျော် ၊ ဒါပေမဲ့ စိတ်ဓါတ်တွေက မာကျောကြသည်။ သူတို့ အချင်းချင်း စည်းလုံးညီညွတ်ကြပြီး ဘာမဆို တသံတည်း ထွက်ကြသည်။ ထမင်းစားလည်းအတူတူ။ အခြား အကျဉ်းသူတွေ ထမင်းစားလျင် လိုက်ကြည့်တတ်ကြပြီး အသက်ကြီးကြီး ဟင်းမရှိသူဆိုလျင် ဟင်းတွေ လာပေးတတ်မြဲ။ အခုရောက်လာတာ မကြာသေးသည့် ဗိုက်ကြီးသည် ကောင်မလေးကို သူတို့တွေပဲ စောင့်ရှောက်ထားကြသည်။

ဗိုက်နာလို့ ညည်းနေတဲ့ ကောင်မလေးနားတွင် သီးသန့် အုပ်စုကို အားပေးလျက်တွေ့ရသည်။ ဒီနေ့ ကစနေနေ့ ဖြစ်နေသည်။ ဆရာဝန် ရှိမှာ မဟုတ်။ထို့ကြောင့် မိန်းမထောင်က မွေးတတ်သူနဲ့ပဲ မွေးပေးရတော့မည်။ ဆရာဝန် ရောက်မလာမှန်း သိရက်နှင့် ရောက်လာစေချင်စိတ်ကြောင့် မိန်းမထောင်တခုလုံး ထောင်တံခါးဝကို ခဏခဏ ကြည့်နေကြသည်။ ကလေးမွေးမည့် အမေကလည်း ဒီကလေးက သားဦးမို့ မညှစ်တတ်ပေ။ မိန်းမတွေ အုံလာလို့ တင်မာဦးက လူနည်းနည်း ရှင်းပေးပါဦးလို့ ပြောနေသံ ကြားရသည်။ ကလေးမွေးပြီးရင် ချက်ကြိုးဖြတ်ဖို့ ဓါးတောင်းနေသံနှင့် ဓါးကို မီးရှို့ဖို့ မီးခြစ်လိုက်ရှာ နေသံတွေကိုပါ တဆက်တည်း ကြားနေရသည်။
“ဆေးလိပ်သောက်တတ်သူတွေ မီးခြစ်ကလေး ရှာပေးကြပါဦး” ဒါက အေးအေးသင်း အသံ ဖြစ်သည်။ မနေ့ကမှ ရှာဖွေရေးက ၀င်ထားတာဆိုတော့ မီးခြစ်နဲ့ဓါးက အလွယ်တကူ ရှာမတွေ့ ဖြစ်နေပုံရသည်။

“ဟဲ့ ဒီလိုလိုက်ရှာလို့ ရမှာ မဟုတ်ဘူး၊ ချိုချိုဦး ဆီမှာ သွားတောင်းလိုက်၊ ဒီမှာ မွေးခါနီးနေပြီ”
ချိုချိုဦး ဆိုတာက ၀ါဒါမထဲမှာ အပေါက်အဆိုးဆုံး၊ ဒါပေမဲ့ သူက နိုင်လို့ရတဲ့သူ တွေကိုသာ ဟောက်စားလုပ်တတ်သူ။ သီးသန့် အုပ်စုကိုတော့ ကွယ်ရာမှာသာ အတင်းပြောရဲပြီး ရှေ့မှာတော့ သွားဖြဲပြနေတတ်သူ။ ချိုချိုဦး ဆီက ဓါးရပေမဲ့ မီးခြစ်က လုံးဝမရ ဖြစ်နေသည်။ ဆေးလိပ်သောက်တတ်သူတွေ ထမင်းစားပြီးချိန် မီးသွားညှိဖို့ ပေးထားတဲ့ တလုံးတည်းသော မီးခြစ်က ထောင်မှူးမဆီ ပါသွားသည်။ ကလေးမွေးမည့် ဗိုက်ကြီးသည်ကတော့ ညည်းညူနေဆဲ၊

“ဟဲ့ အေးသင်းရေ၊ ချက်ကြိုးချည်ဖို့ အပ်ချည်လုံး အဖြူယူခဲ့ပါအုံး၊၊ လေးငါးပင်ပူးပြီး ကြိုးကျစ်ထားပေးနော်။”
“အေး ဒီမှာ ငါလဲ သတိရပြီးလုပ်နေတာ ပြီးတော့မယ်၊၊ အန်တီဒေါ်ရင်ရွှေ ဘာလုပ်နေလဲ၊ အသံမကြားရပါလား၊၊”
“ဘုရားစာရွတ်နေတာထင်တယ်။ ဟဲ့ မဟုတ်သေးဘူးဟ၊ အင်္ဂုလိမာလသုတ်ကို နွယ်နွယ်နဲ့ သူနဲ့ ရွတ်နေတယ် ကလေးမွေးမဲ့ အနားမှာ ၊ နင်ဘာလုပ်နေလဲ၊ သွားပြီး ကူရွတ်ပါလား၊”
“ဟဲ့ ဟဲ့ ငါမှ မရတာ၊ နင်လဲမရဘူးမဟုတ်လား၊ ဒီပြင့် အလုပ်ပဲ ကူလုပ်ရအောင်၊ ဘာတွေလိုသေးလဲ ၊ စဉ်းစားပါဦးဟ”
“စဉ်းစား၊ စဉ်းစား၊ မရတော့ဖူးဟ၊ ငါတို့ ကလေးမွေးတဲ့ အနားသွားနေရအောင်၊ ”

ကလေးမွေးမည့် အနားတွင် လူတွေက ၀ိုင်းနေကြသည်။ လွယ်လွယ်နဲ့ မွေးနိုင်ပါ့မလား ၊ပူပန်သူတွေက ပူနေကြသည်။ ကလေးမမွေးဖူးတဲ့ သီးသန့် အပျိုမတွေက ရှေ့ဆုံးမှာ ဖြစ်နေလို့ ဒေါ်ရင်ရွှေက အော်ထုတ်နေသည်။
“သွားကြစမ်း ၊ နင်တို့ဘာမှ မလုပ်တတ်ပဲနဲ့ ၊ လာရှုပ်မနေနဲ့၊ ကလေးမွေးမဲ့ လူနာက နင်တို့ပျာနေတာ ကြည့်ပြီး ကြောက်သွားဦးမယ်။ ထမိန်အပိုတွေသာ များများသွားရှာထားကြ သွား၊၊”

တကယ်လိုအပ်မည့် ထမိန်တွေ မရှာရသေးသည့် သူတို့ခေါင်းတွေ ပုသွားကြသည်၊၊ ခင်မမက နော်အက်စတားထ၊ံ အေးအေးသင်းက တင်မာဦးထံ ပြေးသွားကြပြီး လုံချည်လိုက်ရှာနေပြန်သည်။
“လူတွေ ဘာလို့ဒီလောက် အုံနေကြတာလဲ၊ နင်တို့ အရာပါလို့လား၊ နင်တို့ မွေးပေးတတ်ရင် ဘာလို့ ဆရာဝန် ခေါ်ခိုင်းရသေးလဲ၊ ကိုယ့်ဖာသာ မွေးပေးကြပါလား၊ သေနာမတွေ၊ ကိုယ့်အလုပ် ကိုယ်လုပ်ထားကြ၊ ညနေကျမှ ယင်ကောင်မပြည့်လို့ ငိုပြနေရင် ငါနဲ့တွေ့မယ်”

ဘီးလူးဆိုင်းနဲ့ အော်ဟစ် ၀င်လာသူက ထောင်မှူးမရဲ့ လက်စွဲ ၀ါဒါမ စပယ်မိုး ဖြစ်သည်။ ကြည့်ရတာ ဆရာဝန်က လိုက်မလာပဲ သူ့ကိုပါ ဟောက်လိုက်ပုံ ရသည်။ ထောင်မှူးကြီးသမီးဖြစ်ပြီး ဦးအောင်ပြောတတ်သူ စကားကို ယုံလွယ်သူဖြစ်သည်။
ကလေးမွေးမည့်သူကတော့ နာကျင်စွာဖြင့် အော်သံထွက်လာနေဆဲ၊

“ညှစ်ချင်လာမှ ညှစ်နော်၊ တအားညှစ်နေရင် အားကုန်သွားအုံးမယ်”လက်ကို ကိုင်ပြီး အားပေးနေသူက ဖဲမှုဖြင့် ကျလာပြီး ၀မ်းဆွဲသည်လုပ်ဖူးသည့် ဒေါ်တင်တင်ဝင်းဆိုတဲ့ မိန်းမကြီးဖြစ်သည်။ ဆရာဝန်လဲမလာ၊ ဆေးမှူးလဲ မလာဖြစ်နေတော့ သူ မွေးပေးမည် ဟု ဆ်ိုကာ လုပ်အားပေးနေသည်။ ညည်းညူသံက စိတ်လာကာ မိန်းမထောင်တခုလုံး တိတ်ဆိတ်နေတော့သည်။

အ၈ုင်္လိမာလသုတ်ကို နွယ်နွယ် တယောက်ထဲ အသံကျယ်ကျယ် ရွတ်ဖတ်နေသံက ကျန်တဲ့ မိန်းမသားတွေ၏ စိတ်ကို ခံစားစေသည်။ ယောက်ျားဖောင်စီး မိန်းမ မီးနေဆိုသည့် စကားအတိုင်း အသက်နဲ့ရင်းပြီး မွေးနေသည့် မိန်းမတယောက်အတွက် ဘယ်လောက်ပဲ ကြမ်းတမ်းတဲ့ စိတ်မာတဲ့ မိန်းမဖြစ်ပါစေ၊ မိန်းမချင်း စာနာစိတ်က ပေါ်ပေါက်လာကြပြီ။ ဘာအထောက်အကူ၊ ဘာလွတ်လပ်ခွင့်မှ မရှိတဲ့ ဒီလို ထောင်ထဲမှာ မီးဖွားရတဲ့ ဒုက္ခကို ကိုယ်တိုင်မြင်တွေ့ရတော့ ကိုယ်ချင်းစာစိတ်၊ စိုးရိမ်စိတ်တွေနှင့် ငြိမ်သက်နေခြင်းဖြစ်သည်။ ကလေးမွေးမည့် အမေကလည်း သားဦးကိုယ်ဝန်တဲ့၊ အင်မတန် အပေါက်ဆိုးတဲ့ ၀ါဒါမတွေတောင် ခပ်ငြိမ်ငြိမ်နှင့် ကြည့်နေကြသည်။

“အူဝဲ ၊အူဝဲ ”

ကလေးငိုသံကြားရပြီး ချက်ကြိုးတန်းလန်းနှင့် ကလေးကို ဒေါ်ရင်ရွှေက လက်ကမ်းယူပြီး ချက်ကြိုးဖြတ်၊ ကြိုးချည်ခြင်းကို ဆက်လုပ်နေသည်။ ကလေးအမေက အချင်းမကျသေးလို့တဲ့။ ဒေါ်တင်တင်ဝင်းက ကလေးအမေပါးစပ်ထဲကို သူ့ဆံပင်တွေ ထိုးထည့်နေသည်။ နောက်တော့ အချင်းကျသွားသည်။ ကလေးကလည်း အနှီးထုပ်ကလေးမှာ အူဝဲ အူဝဲ အော်ကောင်းဆဲ၊ အားလုံးလည်း အခုမှ သက်ပြင်းချနိုင်တော့သည်။

ခင်မမက ဘာဖြစ်လို့ ပါးစပ်ထဲကို ဆံပင်တွေ ထိုးထည့်တာလဲလို့ စပ်စပ်စုစု သွားမေးနေပြန်သည်။
ဒေါ်တင်တင်ဝင်းက “အော် ၊ ပါးစပ်ထဲကို ဆံပင်ထည့်လိုက်တော့ အော့ချင်သလို ဖြစ်သွားမယ်လေ၊ အဲဒီတော့ အားထည့် ညှစ်ပြီးသား ဖြစ်ပြီး အချင်းကျသွားတာပေါ့။ အချင်းမကျပဲ ကပ်နေရင် သေတတ်တယ်။ ကံကောင်းလို့ အချင်းကျသွားတာမို့ တော်သေးတယ်။ အဒေါ်က အဲဒါကို စိုးရိမ်သွားတာ၊ တော်ပါသေးရဲ့ ၊ ”

ကလေးက ပိန်ပိန်လေးမို့ အားရစရာမရှိ၊ ချစ်စရာလည်း မကောင်းဘူး ဟု နော်အက်စတားက တိုးတိုးလေး သူ့လူတွေကို ပြောနေသေးသည်။ ပိန်နေပြီး အရေခွံလေးတွေက ရှုံ့နေတာမို့ မျောက်ပေါက်စလေးနဲ့ တူတယ်နော်ဆိုကာ တင်မာဦးက ထောက်ခံနေတော့သည်။ သူတို့တွေက ကလေးဆိုရင် ၀၀လေး၊ နီတာရဲလေး ၊ ချစ်စရာလေးလို့ တွေးထင်ထားပေမဲ့ မွေးကာစ ကလေးလေးတွေက ၆ ပေါင် လောက်ဆိုရင် ဒီလိုပုံပဲ ဆိုတာ မသိကြခြင်းဖြစ်မည်။ ကလေးငိုသံကတော့ ဆူညံနေဆဲ၊

“ကလေးမမွေးဘူးတဲ့ အပျိုမတွေဆိုတော့ နင်တို့တွေ မိခင်မေတ္တာကို ဘယ်လိုမှ မခံစားတတ်သေးဘူး၊မိခင်ဆိုတာ ကိုယ်မွေးတဲ့ ကလေး လှလှ မလှလှ ချစ်လိုက်တာမှ တုန်နေတာပဲ၊ နင်တို့လို ချစ်စရာကောင်းမှ ချစ်တာမဟုတ်ဘူး။ နင်တို့ သူများကလေးကို ဘယ်လောက်ချစ်ချစ် ကိုယ်မွေးလာတဲ့ ကလေးလောက်တော့ ဘယ်တော့မှ မချစ်နိုင်ဘူး။ သားသမီး အရင်းလိုချစ်တယ်ဆိုတာ ၀တ္ထုထဲမှာပဲ ရှိလိမ့်မယ်။နင်တို့ ကလေးမွေးဖြစ်ရင် အန်တီပြောတာ ဟုတ်မဟုတ် သိလိမ့်မယ်၊၊”
ဒေါ်ရင်ရွှေက သူ့လူတွေကို ရှင်းပြနေသည်။ ကလေးမတွေကတော့ ငြိမ်သက်သွားပြီး ချစ်စရာ မကောင်းဘူးလို့ ပြောမိတဲ့ နော်အက်စတားက “ဟုတ်တယ်နော်၊ ငါတို့ ပြောတာ ကြားသွားရင် စိတ်ဆိုးသွားမှာပဲ၊ အားနာလိုက်တာ” ဟု ပြောသည်။

ဘာတွေပဲ ပြောပြော ခင်မမကတော့ ဆန်မှောင်ခိုမှုနဲ့ ထောင်ကျလာတဲ့ ဆန်ပွဲရုံ သဌေးမဆီက ရေနွေးတောင်းပြီး ကော်ဖီဖျော်နေသည်။ မီးနေသည်ကို သွားတိုက်မလို့၊ မုန့်လဲထုတ်ပေးကြပါဦး ဟု ရိက္ခာကိုင်သူ နွယ်နွယ့်ဆီက မုန့်တောင်းနေသံ ထွက်လာသည်။ ထောင်ထဲမှာ ငွေကို လမ်းခင်းနိုင်သူတွေက ရေနွေးဓါတ်ဘူးနှင့် ခြင်ထောင်နှင့် နေထိုင်သည်။ သူတို့ငွေသုံးထားတာကို ကိုယ်က လူမမာအတွက် အမြတ်ထုတ်သင့်တာပေါ့ ဆိုပြီး ခင်မမက သူမတို့ဖာသာ ချမှတ်ထားတဲ့ ရေနွေးမယူရ စည်းကမ်း ဖေါက်ဖျက်မှုကို ဖြေရှင်းနေသည်။ မီးနေသည်အတွက်ဆိုတာ အားလုံးသိပြီးသားမို့ ဘာအပြစ်တင်သံမှ ထွက်မလာချေ။

တညနေလုံး ကလေးအကြောင်း ၊ မိဘ မေတ္တာအကြောင်းတွေ ပြောဆိုကြရင်း ခါတိုင်းနေ့တွေထက် အချိန်ကုန်မြန်နေသလို ထင်ကြရသည်။ တန်းပိတ်တော့ ကလေးအမေကို ပတ်လည်မှာ အေးတယ်၊ အခန်းထဲက ကုတင်ပေါ်မှာ အိပ်ရန် ထောင်မှုးမက နေရာ ရွှေ့ခိုင်းသည်။ ကုတင်ပေါ်မှာ ဆိုတော့ သွေးနုသားနုသမားအတွက် အနည်းငယ်တော်သွားသည်။ ကလေးလေးကြောင့် အမေ ကုတင် ပေါ် ရောက်သွားတာပေါ့ဆိုပြီး အကျိုးပေးမည့် ကလေးလို့ တင်မာဦးက ကင်ပွန်းတပ်နေသည်။ နွယ်နွယ်က ဘယ်လို အကျိုးပေးသလဲ ထောင်ထဲတောင်ရောက်လာပြီးမှ ဟု ချေပနေသေးသည်။

တနင်္ဂနွေနေ့မှာ ကလေးက တချက်တချက် အသက်ရှုရပ်သွား သလိုပဲ ဟု ကလေးအမေက ပြောပြသည်။ ဒေါ်ရင်ရွှေက သွားကြည့်ပြီး “ကလေးက အတွင်းတက်တက်နေတာ ထင်တယ်၊ ထောင်မှူးမကို သတင်းပို့ပြီး ဆေးခန်းပြခွင့် တောင်း၊ ကဲလာလာ ငါပါ လိုက်ပြောပေးမယ်”

ထောင်မှူးမထံသွားပြတော့ အနှီးထုပ်ထဲက ကလေးကို တချက်လှမ်းကြည့်ပြီး လေးတံခါး သွားခေါက်ပြီး သတင်းပို့လိုက် ဟုအမိန့်ရလာသည်။ ချောချောမောမော အဆင်ပြေသွားလို့ ၀မ်းသာနေစဉ် ဆေးမှူးဝင်လာတာတွေ့ရပြီး ဆရာဝန်က ပါမလာ။ နော်အက်စတား မျက်နှာက ရှုံ့မဲ့သွားပြီး ဆေးမှူးက ဘာတတ်လို့လဲဆိုပြီး ပြောနေသဖြင့် ခင်မမက ပါးစပ်ကို လှမ်းပိတ်ပေးလိုက်သည်။ “မတော် အဲဒီဆေးမှူးပါ မလာလို့ ပိုဆိုးသွားမယ် ”ခင်မမရဲ့ တိုးတိုးကြိတ်ပြောသံကို အားလုံးက နားလည်စွာ ငြိမ်သွားသည် ။ နားကျပ်တခုပဲ ပါလာပြီး ဘာဆေးမှ ပါမလာသည့် ဆေးမှူးက ကလေးကို ကြည့်ပြီး “ဒီနေ့ ဆရာဝန်မလာဘူး၊ မနက်ဖြန် တနင်္လာ တန်းစီမှ ဆရာဝန်ကို တခါတည်း ပြလိုက်နော် ၊ ကျနော်တင်ပြပေးထားမယ် ”ဟု အလွန်ငြင်သာစွာ ပြောပြပြီး ပြန်သွားသည်။

တနင်္လာနေ့တန်းစီချိန်မှာ ထောင်မှုး၊ထောင်ပိုင်အာလုံးနှင့်အတူ ထောင်ဆရာဝန်က လှည့်လည်ကြည့်ရှုရသည်။ မိန်းမထောင်ရောက်တော့ မနက် ဂ နာရီ ခွဲနေပြီ။ ကလေးအကြောင်းကို ပြောပြပြီး ကလေးကို ဆရာဝန်က ကြည့်နေသည်။ ကလေးအမေက ကြောက်ပြီး မပြောရဲဖြစ်နေလို့ သဘောနည်းနည်းကောင်းတဲ့ ၀ါဒါမ သန်းသန်းမြင့်က ကလေးအမေရှေ့ ဆရာဝန် အရောက် ပြောလေဆိုပြီး အတင်းပြောခိုင်းရခြင်းဖြစ်သည်။ ဆရာဝန်က ကလေးကိုကြည့်ပြီး “ဆေးပေးလိုက်မယ်။ ဘာမှ စိုးရိမ်စရာ မရှိဘူး၊” ဟု ပြောနေချိန်မှာပင် ကလေးက အသက်ရှု ရပ်သွားလို့ ကလေးအမေက ငိုသည်။ ကလေးကို ဆရာဝန်က လှမ်းယူပြီး ဒီလိုလှုပ်ပေးလိုက် ဆိုကာ ဘယ်ညာ ရှေ့နောက် လှုပ်ပြသွားသည်။ သူလှုပ်ပေးသွားတော့လည်း ကလေးက အသက် ပြန်ရှုနေပြန်သည်။

ဆရာဝန်ထွက်သွားတော့ သီးသန့် အကျဉ်းသူတွေ ကလေးနားရောက်သွားသည်။ သူတို့ နားမလည်နိုင်သော၊ သူတို့ မတွေ့ကြုံဖူးသော အဖြစ်အပျက်ကို မျက်ဝါးထင်ထင်တွေ့မြင် ခဲ့ရတော့ ကလေးအမေနှင့်အတူ မျက်ရည်ဝိုင်းနေကြသည်။
“ငါတို့လည်း ဘာမှ မလုပ်တတ်တော့ဘူး၊ ဒီတိုင်းထိုင်ကြည့်နေရတာ ဘယ်လိုမှ မနေတတ်တော့ဘူးဟာ၊ ကလေးကို ကလေးဆေးရုံကို ပို့ပေးသင့်တယ်လို့ ငါထင်တယ်။ ”

ခင်မမက သူ့သူငယ်ချင်းတွေကို ပြောတော့ အေးအေးသင်းက “ ဆရာဝန်က မစိုးရိမ်ရပါဘူး ဆိုပြီး ပြောသွားတာပဲဟာ၊ နင်က ဘာစိုးရိမ်နေရတာလဲ။ ကလေးလေးတွေက အဲဒီလိုပဲထင်ပါတယ်၊ ”
“ငါထင်တာတော့ ဓါးကို မီးမရှို့လို့ မေးခိုင်ပိုးဝင်သလားလို့”ခင်မမ၏ တွေးတွေးဆဆ အသံကိုကြားတော့ သူတို့ ဘာပြောရမယ်ဆိုတာ မသ်ိကြတော့။
“ဟုတ်ချင်လည်း ဘာမှ မတတ်နိုင်တော့ဘူးလေ။ ငါတို့ တတ်နိုင်သလောက် အမေကိုပဲ အားပေးကြရမှာပေါ့။ ဟုတ်ချင်မှလည်း ဟုတ်မှာပါ။ ၀မ်းထဲမှာ ကတည်းက ရောဂါပါလာတယ် ထင်ပါတယ်။ အဲဒီလိုပဲ တွေးလိုက်ကြရအောင်။”တင်မာဦးက ဘာမှ မလုပ်နိုင်တဲ့ အတူတူ တရားချပြနေသည်။

ကလေးက ခဏခဏ အသက်ရှုရပ်သွားတာ ညနေရောက်တော့ ပိုစိတ်လာသည်။ ဒေါ်ရင်ရွှေက လုံးဝမနေနိုင်တော့။ ထောင်မှူးမကို ကိုယ်တုိင်သွားပြောနေတော့သည်။ ထောင်မှူးမကိုယ်တိုင် ကလေးကို လာကြည့်ပြီး လေးတံခါးမှ တဆင့် ထောင်ဆေးရုံ ဖက်သို့ ကူးသွားလေသည်။ ၁၅ မိနစ်ခန့် အကြာတွင် ဆေးမှူးနှင့်အတူ ထောင်မှူးမ ပြန်ရောက်လာသည်။ ကလေးကို ဆေးရုံသို့ ထုတ်ပေးမယ်။ အမေပါ လိုက်သွားရမယ် ဟု ပြောတော့ အားလုံး ၀မ်းသာသွားသည်။ ကလေးအမေကို ပစ္စည်းတွေ ကူသိမ်းပေးပြီး မိန်းမထောင်လေးတံခါးထိပ်သို့ ညနေ ၄ နာရီလောက်မှာ လိုက်ပို့ကြသည်။ ကလေးကျန်းမာပါစေလို့ ဆုတောင်းပေးသံတွေ ညံသွားသည်။ ဒေါ်ရင်ရွှေကတော့ မျက်နှာသိပ်မကောင်း၊၊ ခင်မမက ဒေါ်ရင်ရွှေကို မေးနေသည်။

“အန်တီ ကလေးက နေကောင်းသွားမှာပါနော်၊၊ ဆေးရုံမှာ ဆိုတော့ ဒီထောင်ထဲထက်တော့ တော်သေးတာပေါ့။”ခင်မမ စကားကို ထောက်ခံသူ ၊ ကန့်ကွက်သူ မရှိ အားလုံး ငြိမ်နေကြသည်။
ညနေ တန်းပိတ်ချိန်ပြီးတော့ ကလေးအမေကို လိုက်စောင့်ရသော ၀ါဒါမ ပြန်လာသည်။ သူကညဂျူတီ မဟုတ်သဖြင့် သူ့ပစ္စည်းတွေ လာယူပြီး ကလေးကို အောက်စီဂျင်ပေးထားကြောင်း ပြောပြသွားသည်။

ည( ၈) နာရီလောက်မှာ မိန်းမထောင် လေးတံခါးခေါက်သံ ကြားရသည်။ အဆောင်ထိပ်ဆုံးက အခန်းမှာ နေသော ခင်မမက အိပ်နေရာက ထကြည့်သည်။ ညဖက်ကြီး ရောက်လာသူဆိုတော့ နိုင်ငံရေးမှုပဲလား လို့ သူက တွေးသည်။ ဒါပေမဲ့ ၀ါဒါမနောက်က ၀င်လိုက်လာသူက ကလေးအမေ ဖြစ်နေသည်။ ညနေက သူနှင့်အတူ ပါသွားပြီး ဆေးရုံတက်တဲ့ ကလေးလေးကတော့ ဆုံးပါးခဲ့ရှာပြီ။ ငိုပြီး ၀င်လာတဲ့ ကလေးအမေကို ကြည့်ပြီး အားလုံး စိတ်မကောင်းစွာ တိတ်ဆိတ် သွားတော့သည်။

ကလေးလေးကို အသက်ရှင်စွာ လူ့လောကထဲရောက်အောင် ၀ိုင်းဝန်းကြိုးပမ်းခဲ့ကြပေမဲ့ ဘာမှ မသိသေးတဲ့ ကလေးလေး ဝေဒနာတွေ ခံစားပြီး ဆုံးပါးခဲ့ရပြီ။ ကလေးအမေကသည် သူဘာအပြစ်မှ မလုပ်ရပါပဲ ထောင်ထဲမှာ ရောက်ခဲ့၊ ကလေးတယောက်ကို အသက်နှင့်ရင်းပြီး မွေးဖွားခဲ့ ၊ ခုတော့ ဒီကလေးလေးကလည်း အသက်မရှင်သန်နိုင်ခဲ့။
ဘယ်လိုအဖြစ်တွေလဲ၊၊ ဘယ်သူ့အပြစ်တွေလဲ၊
ရေကြီးခဲ့လို့ ပျိုးပင်တွေ သေခဲ့တာအပြစ်လား။
တာဝန်ကျေစပါး ပေးအပ်ဖို့ ဘယ်မှာမှ စပါး မရှိတာအပြစ်လား။
စပါးဝယ် ပေးရအောင်ပိုက်ဆံ မရှိခဲ့တာ အပြစ်လား။
ရာသီဥတုကြောင့် ရေကြီးတာဆိုရင် ရာသီဥတုကိုပဲ အပြစ်ဆိုရမှာလား။
ကလေးကို ဆေးရုံမှာမွေးခွင့် မရခဲ့တာ ဘယ်သူ့ကြောင့်လဲ။ ဘယ်သူ့ကို အပြစ်ဆိုရမှာလဲ ၊
ကိုယ့်တိုင်းသူပြည်သားတွေကို ရင်ဝယ်သားကဲ့သို့ အုပ်ချုပ်ရမယ် ဆ်ိုတာကို နားမလည်တဲ့ နအဖကို ဒေါသသင့်ရင်း၊
ငိုနေတဲ့ ကလေးအမေကိုကြည့်ရင်း ခင်မမက နာနာကျည်းကျည်း မေးခွန်းတွေကို ရွတ်ဆိုနေခဲ့သည်။
တင်မာဦးကတော့ ဗမာပြည်မှာ လူဖြစ်ခဲ့ရတာကိုက မှားတာပါလို့ ပြောရမှာပဲ ဆိုပြီး ပေါက်ကွဲနေတော့သည်။

အဲဒီညက မိန်းမထောင်မှာ မျက်ရည်မိုးတွေ စွေခဲ့သည်။

Power of Protest (for Our future )

သူမတို့တွေလည်း ပူးပေါင်းပါဝင် ကြပါတယ်။


ဒီလို တရားဟောကြပါတယ်။


ဒီလို ကြွေးကြော်ခဲ့ကြတယ်။


ငြိမ်းချမ်းစွာနဲ့ ဒီလို လမ်းလျှောက်ခဲ့တာပါ။

၂၀၀၇ခုနှစ် သြဂုတ်လ ၂၂ ရက်နေ့ လှည်းတန်းမှ လမ်းလျှောက်ပွဲ ဖြစ်ပါတယ်။ ငြိမ်းချမ်းစွာ ဆန္ဒပြ လမ်းလျှောက်ပွဲကို ၈၈ မျိုးဆက်ကျောင်းသားအုပ်စုမှ နီလာသိန်း၊ မမီးမီး။ အမျိုးသားဒီမိုကရေစီ အဖွဲ့ချုပ်မှ မဖြူဖြူသင်း၊ နော်အုန်းလှတို့ ဦးဆောင်ခဲ့ကြပါတယ်၊

ကိုယ့်အခွင့်အရေးကို ကိုယ်တိုင်တိုက်ယူရမယ်

ကိုယ့်အခွင့်အရေးကို ကိုယ်တိုင်တိုက်ယူရမယ်

ရဲလား ...စစ်သားလား....

လုံးဝမကြောက်ဘူးဟေ့..တို့တွေဖက်မှာ ..အမှန်တရားရှိတယ်..

သံဃာသတ်တဲ့.. မိစ္ဆာတွေ.... မိုးကြိုးပစ်လို့.... သေပါစေ

အောင်နိုင်သူလို့ထင်နေလား....

(၂၈၊၉၊၀၇) နေ့က အစွမ်းကုန် ပစ်ခတ်မှုတွေ ရှိခဲ့ပေမဲ့
(၂၉၊၉၊၀၇)မှာ နောက်မတွန့်တဲ့ ပြည်သူတွေက ပြောက်ကျားစနစ်နဲ့
ဆက်လက် ဆန္ဒပြခဲ့ပါတယ်။

ကျွန်ုပ်တို့အတွက် ရွေးချယ်စရာ

မိမိတို့နိုင်ငံသားများကို ကိုလိုနီ နယ်ချဲ့ အုပ်ချုပ်ရေးလက်အောက်မှ လွတ်မြောက်ရန် ကြိုးပမ်းလှုပ်ရှားမှုများ၏ အမျှော်အမြင်ကြီးမားသော ခေါင်းဆောင်များ အနေဖြင့် ကိုယ်ပိုင် အုပ်ချုပ်ခွင့် ရရှိရေးသည် အစိုးရကောင်းတစ်ရပ် ပေါ်ထွန်းရေးကို ဦးတည်သည့် ပထမဦးဆုံး လိုအပ်ချက်၊ အဆင့်တခုမျှသာ ဖြစ်သည်ဟုနားလည်ကြသည်။ နှစ်ဆယ်ရာစုနှစ်၏ ကုန်ဆုံးခါနီးတွင် ဒုတိယ ကမ္ဘာစစ်ကြီး ပြီးသည့်နောက်ပိုင်း၌ လွတ်လပ်ရေးရခဲ့ကြသည့် တိုင်းပြည်များသည် မိမိတို့၏ နိုင်ငံကို ထူထောင်ခဲ့ကြသည့် အနှစ်ငါးဆယ်မြောက် အချိန်အခါသမယဆီသို့ ချဉ်းကပ် လာပြီးဖြစ်သည်။ ယခုအခါတွင် စစ်မှန်သော အစိုးရ ကောင်းတခု ဖြစ်ထွန်း ပေါ်ပေါက်လာရေး နှင့် ပတ်သက်၍ မည်မျှ ခရီးရောက်နေသည်ကို ဆင်ခြင်သုံးသပ်ကြရမည့် အချိန်သို့ ရောက်နေပါပြီ၊ အစိုးရကောင်းမရှိသည့် နိုင်ငံတခုသည် လွတ်လပ်၍ ဖွံ့ဖြိုးတိုးတက်လျက် ရှိနေသော ကမ္ဘာ့အလယ်တွင် ၀င့်ထည်စွာ နေရာယူနိုင်မည် မဟုတ်ပေ။

နိုင်ငံအများအပြားသည် ကိုယ်ပိုင် အုပ်ချုပ်ခွင့်ကို ထူထောင်ခဲ့ကြပြီးသည့် နောက်တွင်မှ တိုင်းတပါးလူမျိုးခြား၏ စိုးမိုး အုပ်ချုပ်မှုကို ခံခဲ့ကြရစဉ် ကာလကထက် မိမိတို့နိုင်ငံသားများ၏ အခွင့်အရေးများနှင့် လွတ်လပ်မှုတို့ ပိုမိုကန့်သတ်ခြင်းခံရသည်ကို ကြုံကြရ၏။ ကိုယ်ပိုင်အုပ်ချုပ်ရေးရသည်နှင့် အစိုးရကောင်းတခု ဖြစ်ပေါ်လာမည်ဟု အသေအချာ မတွက်ဆနိုင်သည်မှာ ၀မ်းနည်းစရာကောင်းသည့် အမှန်တရားဖြစ်ပေသည်။
အစိုးရကောင်းဟူသည် နိုင်ငံရေး စနစ်ရလဒ်သက်သက် မဟုတ်ပါ။ အစိုးရ ကောင်းတခုပေါ်ပေါက်ရန်အရေးမှာ လူမှု အဖွဲ့အစည်းတရပ်အတွင်း အခြေခံတန်ဖိုး များနှင့် ခွဲခြား၍မရနိုင်လောက်အောင် တသားတည်း ဆက်စပ်နေပါသည်။ နိုင်ငံတခု ပြန်လည်တည်ဆောက်ရာတွင် လူ့တန်ဘိုးကို မြင့်မားတိုးတက်လာအောင် စွမ်းဆောင် နိုင်ခြင်းမရှိလျှင် လွတ်လပ်ရေး ဆိုသည်မှာ နိုင်ငံသားများအဖို့ ပိုမိုပြည့်စုံသည့်ဘ၀ ရပ်တည်ရှင်သန်ရေးဟု သတ်မှတ်လို့ ရနိုင်မည်မဟုတ်ပေ။ မြန်မာနိုင်ငံတွင် ကိုယ်ပိုင် အုပ်ချုပ်ခွင့်ကို ရာစုနှစ်တ၀က်တိုင်အောင် ရရှိနေပြီးဖြစ်သော်လည်း အစိုးရကောင်းဖြစ် ရေးဟူသည့် မျော်လင့်ချက်က မပီပြင်သည့် အနာဂတ်မှာ ဘယ်ဆီဘယ်ဝယ် မျှော်မှန်းလို့ မရနိုင်လောက်အောင် ၀ိုးတ၀ါးရှိနေဆဲပင် ဖြစ်ပြီး တိမ်သလ္လာ ဖုံးလွှမ်းနေသည်။

“အမှန်တကယ်တော့ စံထားရမည့်အစိုးရ ဆိုတာ စိုးမိုးအုပ်ချုပ်မှု အနည်းဆုံး ဖြစ်ရမယ်၊ပြည်သူလူထု ဘာတခုမှ လုပ်ပိုင်ခွင့် ချန်မထားတာကို ကိုယ်ပိုင်အုပ်ချုပ်ရေးလို့ မခေါ်ဘူး။ ဒါဟာ ငါတို့လက်ရှိ အဆင့်အတန်း အတိုင်း ထိန်းသိမ်းစောင့်ရှောက်ခံ အဆင့်ပဲ” ဟု ဂန္ဒီကြီးက ရေးသားခဲ့ဖူးပါသည်။
အထက်ပါစာသားကို ၁၉၂၅ ခုနှစ်တွင် ရေးသားခဲ့သော်လည်း မြန်မာနိုင်ငံ ၏လက်ရှိ အခြေအနေများနှင့် များစွာ ဆီလျော်နေပါသည်။ သို့သော် ယနေ့ စစ်အုပ်ချုပ်ရေး အောက်တွင် ရောက်ရှိနေရပြီး မိမိတို့၏ ကိုယ်ပိုင်အစိုးရအဖွဲ့ထဲတွင် ၀င်ရောက် တာဝန်ယူရန် အခန်းကဏ္ဍဆို၍ ဘာတစ်ခုမှ အပ်နှင်းခြင်း မခံရသော စစ်အစိုးရအောက်တွင် ပြားပြားဝပ်နေရသည်။ ကျမတို့ မြန်မာနိုင်ငံသူ နိုင်ငံသားများ၏ အခြေအနေကို ရှင်းလင်း ဖော်ပြရာတွင် “ထိန်းသိမ်းစောင့် ရှောက်ခံထားရသည်” ဟူသောစကားကို အသုံးပြုခြင်းသည် မပျော့လွန်းပေဘူးလားဟု မေးခွန်း ထုတ်နိုင်ပါသည်။ လွတ်လပ်ရေးရခဲ့သည်မှာ လေးဆယ်ကိုးနှစ် ကြာမြင့်ခဲ့ပြီးဖြစ်သော်လည်း ကျမတို့တတွေမှာ အချုပ်အနှောင်ခံနေရသည့် နိုင်ငံတခုဘ၀မှာပင် ရှိနေပါသေးသည်။

အသိဉာဏ်နှင့်စိတ်ဓါတ်တို့ လွတ်လပ်မှုမရှိလျှင် အမှန်တကယ် လွတ်လပ်မှု ဟူသည် ရှိနိုင်မည်မဟုတ်ပေ။ ပြည်သူလူထု၏ အသိဉာဏ်နှင့် စိတ်ဓာတ်တို့ အပြည့်အ၀ ဖွံ့ဖြိုး ရှင်သန်လာနိုင်သည့် အနေထားတခုသို့ ရောက်ရှိလာနိုင်စေရန် ပြုစုပျိုးထောင်ပေးရေးသည် တာဝန်ရှိ ခေါင်းဆောင်လုပ်သူများ ထမ်းရွက်ရမည့် ၀တ္တရားပင်ဖြစ်သည်။

ပြည်သူလူထုအနေဖြင့် မိမိတို့၏ အရေးပါအရာရောက်မှု ဂုဏ်သိက္ခာအပေါ် ယုံကြည် စိတ်ချမှုများ တိုးပွားလာစေရန် ပံ့ပိုးပေးနိုင်မှ သာလျှင် ကိုယ်ပိုင်အုပ်ချုပ်ရေး ဆိုသည်မှာ အဓိပ္ပာယ်ရှိပေမည်။ ခြိမ်းခြောက်ခြင်း၊ ဖိနှိပ်ချေမှုန်းခြင်းခံရပြီး မိမိတို့၏ဘ၀ အနာဂတ်အရေးကို ဖန်တီးပိုင်ခွင့် မရှိရရှာသော ပြည်သူလူထုမျိုးကို ပေါ်ပေါက်စေသည့် ကိုယ်ပိုင်အုပ်ချုပ်ရေး မျိုးသည် အသက်သွေး ချွေးမြောက်များစွာ စွန့်လွှတ်အနစ်နာခံ ပေးဆပ်ပြီးမှ ရခဲ့သော လွတ်လပ်ရေးကြိုးပမ်းလှုပ်ရှားမှုကို သစ္စာဖောက်သည့် အုပ်ချုပ်ရေး သာလျှင် ဖြစ်ပေသည်။

အမိနိုင်ငံတော်လွတ်မြောက်ရေး အတွက် မိမိတို့၏ ကောင်းကျိုး ချမ်းသာနှင့် အကောင်အထည်ဖော်ကြရန်မှာ နောင်လာနောက်သား မျိုးဆက်အဆင့်ဆင့် တို့၏ တာဝန်ဝတ္တရားတစ်ရပ် ဖြစ်သကဲ့သို့ အထူးအခွင့်အရေး တရပ်လည်း ဖြစ်နေပေသည်။ ကိုလိုနီ နယ်ချဲ့စနစ်ကို ဆန့်ကျင်တွန်းလှန် ဖြိုဖျက်ခဲ့ကြသူများထက်၊ ယနေ့ လူငယ်များ ထမ်းရွက် ကြရမည့် လုပ်ငန်းဆောင်တာများက ပို၍ ခက်ခဲသည်ဟု ပြောနိုင်ပါသည်။

တိုင်းတပါးလူမျိုးခြားကို ဦးတည်ဆန့်ကျင်ရသည့် ရုန်းကန်မှုများတွင် ပြဿနာ မှာပြတ်သားရှင်းလင်းလှပါသည်။ သို့သော် မျိုးတူ လူမှုအသိုက်အ၀န်း တခုတည်းအတွင်း ရှိ အပြုသဘောမဆောင်သော အင်အားစု များကို ဦးတည်ဆန့်ကျင်ရသည့် ရုန်းကန် ကြိုးပမ်းမှုများတွင်မူ သံသယများ၊ စိတ်ရှုပ်ထွေးစရာများ တဖြည်းဖြည်း စိမ့်ဝင်လာတတ်ပါသည်။
ထိုကြောင့် ပို၍ ပျော်ရွှင်ဘွယ်ကောင်းသော ကမ္ဘာတခု ဖြစ်လာရန် ကြိုးပမ်း ဆောင်ရွက်နေကြသော လူငယ်ထုအနေဖြင့် မိမိတို့လူဘောင် အဖွဲ့အစည်း၏ တန်ဘိုးထားမှုများနှင့်အတူ မိမိတို့၏ ကိုယ်ပိုင်ရည်ရွယ်ချက် အကြောင်းရင်းခံတို့ကို စဉ်ဆက်မပြတ် ပြန်လှန်သုံးသပ်ရန် လိုအပ်လှပေသည်။ အမြဲတစေ ဆင်ခြင်သုံးသပ်ခြင်း သာလျှင် ကျွန်ုပ်တို့၏ လွတ်လပ်မှုကို မည်ကဲ့သို့ ထိန်းသိမ်း စောင့်ရှောက်ပြီး မည်ကဲ့သို့ အကောင်းဆုံး အသုံးချ နိုင်မည်ကို နားလည်သဘောပေါက် နိုင်ပေမည်။

လွတ်မြောက်ခြင်းဆိုသည်မှာ ရွေးချယ်ပိုင်ခွင့်ပင်ဖြစ်သည်။ လွန်ခဲ့သောရာစုနှစ်ဝက်က အသက်ရှင် နေထိုင်သူများနှင့် စာလျှင် ယနေ့ခေတ် လူငယ်များမှာ ရွေးချယ်စရာ နယ်ပယ်များပ်ို၍ ကျယ်ပြန့်လာသည်။ မှန်မှန်ကန်ကန် ရွေးချယ်ရေးသည် အလွန်အရေး ကြီးလှ၏။ ကျဉ်းမြောင်းသော တကိုယ်ရေ အကျိုးစီပွါး အတွက်သာ ပျော်ရွင်ချမ်းမြေ့မှု လမ်းကိုရွေးချယ်မည်လော။ ပွင့်လင်းတဲ့ နှလုံးသားနှင့် စာနာစိတ်ကို အရင်းတည်ပြီး အခြားသူများရဲ့ လိုအပ်ချက် မျှော်မှန်းချက်များကို ဖြည့်ဆည်းပေးရန် ၀ိုင်းဝန်းကြမည်လော။ ကြိုက်နှစ်သက်ရာကို ရွေးချယ်နိုင်ပါသည်။

ကျွန်ုပ်တို့ မှီတင်းနေထိုင်ကြသော ကမ္ဘာမြေကြီး အခြေအမြစ်ကစ၍ ပြောင်းလဲသွားစေပြီး ဖွံ့ဖြိုးတိုးတက်မှုများကို ဆောင်ကျဉ်းပေးမည့် ရာစုနှစ်တစ်ခုတွင် ကျမ တို့တတွေပါဝင်ဆင်နွှဲကြရမယ့် အချိန်မဝေးတော့ပါ။ နှစ်ဆယ့်တစ်ရာစုတွင် လူသားအားလုံးအတွက် ပို၍ကြီးမားသော လုံခြုံမှုနှင့် ပျော်ရွှင်စိတ်ချမ်းမြေ့မှုများကို ပေးစွမ်းနိုင်သော ပတ်ဝန်းကျင်တစ်ခု ဖန်တီးရန် အံ့သြဖွယ် ကောင်းလောက်အောင် ထူးခြားသည့် အခွင့်အလမ်းများ ပေါ်ပေါက်လာနိုင်ပါသည်၊၊

တချိန်တည်းမှာပင် ထိုခေတ်သည် တရားမျှတ သနားကြင်နာတတ်ခြင်း အင်အားစုများကို မှုန့်မှုန့်ညက်ညက် နင်းခြေပစ်ရန် အစွန်းရောက်ရုပ်ဝါဒအား ထင်ရာ စိုင်းဖို့ရာ လွှတ်ပေးလိုက်သော ကာလတစ်ခုလို ဖြစ်သွား နိုင်ပါသည်။ မည့်သည့်လမ်းသို့ လိုက်မည်ကို ကျမတို့ရွေးချယ်ရမည် ဖြစ်ပါသည်။ ၄င်းတို့ကို အလင်းရောင်ပေး၍ ရှေ့ ဆောင်လမ်းပြရန် အနာဂတ်မှာ အစဉ်အလာအရ ကြီးမြတ်သောခေါင်းဆောင်ကြီးများ ရှိနေသည့်အချက် သည် အိန္ဒိယနိုင်ငံက လူငယ်များအတွက် ဂုဏ်ယူစရာပင်ဖြစ်ပါသည်။

အကောင်းဆုံး ကိုယ်ပိုင်အုပ်ချုပ်ရေးပုံစံနှင့် ပတ်သက်၍ ဂန္ဓီကြီးရဲ့ အဆိုအမိန့် ကို တဖန်ပြန်၍ ကောက်နှုတ်တင်ပြရပါလျှင်“တကယ်စစ်မှန်တဲ့ ဆွာရာ့ဂ်ျ(ကိုယ်ပိုင် အုပ်ချုပ်ရေး) ဆိုတာ လူနည်းစုက လုပ်ပိုင်ခွင့် အာဏာကိုယူလို့ ဖြစ်လာမှာ မဟုတ်ဘူး။ အပ်နှင်းထားတဲ့လုပ်ပိုင်ခွင့် အာဏာကို တလွဲတချော် ဖောက်ဖျက် အသုံးချတာကို တွေ့ရတာနဲ့ အားလုံးက ၀ိုင်းဝန်းဆန့်ကျင်နိုင်အောင် ချုပ်ချယ်ကန့်သတ်ခွင့် ရယူ ပိုင်ဆိုင်ထားတာကို ခေါ်တယ်။ တနည်းပြောရလျှင် လုပ်ပိုင်ခွင့်အာဏာကို စည်းမျဉ်းစည်းကမ်း သတ်မှတ်ပေးပြီး ထိန်းချုပ်တတ်တဲ့ စွမ်းပကား မွေးမြူတတ်လာအောင် ပြည်သူလူထုကို ပညာပေးခြင်းနဲ့ ဆွာရာ့ဂ်ျကို ရယူနိုင်အောင် ကြိုးပမ်းရမှာ ဖြစ်တယ်” ဖြူစင်သောကလေးများ၏ အာသာဆန္ဒပြင်းပြသည့် သန္နိဌာန်တို့ ပိုင်ဆိုင်၍ နှလုံးရည်ပြည့်ဝစွာဖြင့် တရားမျှတခြင်း၊ လွတ်လပ်ခြင်းတို့အတွက် မိမိတို့ဘ၀ကို မြှုပ်နှံသွားကြသော ပုဂ္ဂိုလ်တို့၏ အမွေကို ဆက်ခံရသည့် အမျိုးသား၊ အမျိုးသမီးများ နှင့် ထိုက်တန်သော နိုင်ငံတော်တစ်ခု ဖန်တီးရာ၌ ပညာရေးသည် အခရာကျလှပါသည်။

ပညာရေးသည် သမရိုးကျကျောင်းနေခြင်း သက်သက်ကိုသာ ဆိုလိုခြင်း မဟုတ်ပါ၊၊ သိနားလည်ပြီးသော ကိစ္စများကိုသာမက မသိနားမလည်သေးသော ကိစ္စရပ်များကိုပါ အောင်မြင်စွာ ရင်ဆိုင်ဖြေရှင်း ကျော်လွှားနိုင်သည့် သတ္တိနှင့် စိတ်ဓါတ်အင်အား ပြုစုပျိုးထောင် ပေးခြင်းကို ဆိုလိုသည်။

အတိတ်ကို မှန်မှန်ကန်ကန် အကဲဖြတ်သုံးသပ်နိုင်သော အရည်အချင်းနှင့် ပြည့်စုံပြီး လက်ရှိအခြေအနေကို ရဲရဲဝံ့ဝံ့ ရင်ဆိုင်နိုင်မှသာလျှင် ကျမတို့အတွက်သာမက လာမည့် မျိုးဆက်အဆင့်ဆင့် တို့အတွက်ပါ သဟဇာတဖြစ်မည့် အနာဂတ်ကို တည်ဆောက်နိုင်မည် ဖြစ်ပါသည်။

ကန့်သတ်နယ်ခြားမျဉ်းများနှင့် ရာစုနှစ်များစွာကို ကျော်လွှားနိုင်သည့် ခိုင်မာလှသော တန်ဖိုးထား လေးစားစရာများ ရှိပါသည်။ ကျမတို့ ခေတ်ကာလအတွက် ရှာဖွေ ဖေါ်ထုတ် ပေးနိုင်သည့် အနှစ်သာရ တန်ဖိုးများလည်း ရှိနေပါသေးသည်။ ကမ္ဘာကြီးအား မိမိတို့၏ ဘ၀နံနက်ခင်း လန်းဆန်းမှုကို ရောင်ပြန်ဟပ်စေမည့် ပုံသဏ္ဍာန်ပေါ်ပေါက်စေရန် စိတ်အား ထက်သန်နေသော လူငယ်ထုအတွက် ဤကဲ့သို့ ရှာဖွေဖေါ်ထုတ်ရေး လုပ်ငန်းစဉ်သည် စိန်ခေါ်မှုတရပ် ဖြစ်ပါသည်။

လူငယ်များတွင် မိမိတို့ လူ့ဘောင်အဖွဲ့အစည်းအတွက် တသသ မှတ်တမ်းတင် ကျန်ရစ်ရလောက်အောင် ဆောင်ရွက်ပေးနိုင်သော ပြိုင်ဘက်ကင်းသည့် အခွင့်အလမ်းများနှင့် ကြုံတွေ့နေရပါသည်။ ထက်သန် ပြင်းပြသော ဆန္ဒတက်ကြွစွာဖြင့် ဤအခွင့်အရေးမျိုးကို လက်မလွတ်တမ်း အမိအရ ဆုပ်ကိုင်ကြဘို့ လူငယ်များ ကို တိုက်တွန်း လိုက်ပါသည်။ အခွင့်အလမ်းတွေ လက်လွတ်သွားခြင်းသည် တစ်ဦးတစ်ယောက် အတွက်သော် လည်းကောင်း၊ နိုင်ငံများဆယ်စုနှစ် များနှင့် ချီ၍ ဆုတ်ယုတ်ခြင်းများ ဖြစ်ပေါ်နိုင်ပါသည်။

ပွင့်လင်းသောနှလုံးသားနှင့် အတူ အကြံသစ်ဉာဏ်သစ်တွေကို လက်ခံရန် အဆင်သင့်ရှိသော ခံယူချက် များဖြင့် ရာစုနှစ်သစ်ကို မျှော်မှန်း တမ်းတနေကြသော လူငယ်လူရွယ်များသည် မိမိနှင့် မိမိပြည်သူ ပြည်သား များအတွက် မျှသာမက လူသား များအားလုံးအတွက် ပိုမိုကောင်းမွန်သော ဘ၀တည်ဆောက်ရန် စွမ်းစွမ်းတမံ ဆောင်ရွက်ပေးနိုင်ကြသူများ ဖြစ်ပါသည်။

ကမ္ဘာကြီးသည် ရာစုနှစ်သစ် တစ်ခုကို ပြောင်းလဲတော့မည့် အချိန်မျိုးတွင် ဘ၀ကို အစပျိုးနိုင်ခြင်းမှာ ကံကောင်း လှပေသည်။ အနာဂတ်ကို လူငယ်များ ပိုင်ဆိုင်ပါသည်။ ဤကဲ့သို့ဖြစ်ခြင်းသည် လွန်စွာမှ သင့်လျော် ပါသည်။ အိန္ဒိယနိုင်ငံနှင့် ကမ္ဘာတစ်ဝှမ်းမှ လူငယ်များကို မင်္ဂလာရှိသော နှစ်သစ်နှင့် ရာစုသစ်မှာ ပျော်ရွှင် ချမ်းမြေ့ နိုင်ကြပါစေ၊ ငြိမ်းချမ်းသာယာမှု ရှိနိုင်ကြပါစေ ဟု ဆုတောင်းမေတ္တာ ပို့သလိုက်ပါသည်။

ဒေါ်အောင်ဆန်းစုကြည်

မန်းအဲန်အယ်လ်ဒီ ခေါင်းဆောင်တဦး ဖမ်းဆီးခံရ

မန္တလးတိုင်း အမျိုးသားဒီမိုကရေစီအဖွဲ့ချုပ်(အဲန်အယ်လ်ဒီ)၏ ခေါင်းဆောင်တဦးဖြစ်သူ ဒေါ်ဝင်းမြမြ ကို အာဏာ ပိုင်များက ယမန်နေ့ညတွင် ဖမ်းဆီးသွားသည်။

“မနေ့ညကပေါ့နော်။ မန္တလေးတိုင်းရဲအဖွဲ့ ဒု-ရဲအုပ် ထွန်းလွင်နောင် သူနဲ့အပါအ၀င် ဆယ်ဦးလောက် က အရပ်ဝတ်နဲ့ပေါ့လေ။ ညဆယ့်တစ်နာရီလောက်မှာ ရယကနဲ့ အိမ်ရောက်လာပါတယ်။ ရောက်လာ ပြီးမှ ဒေါ်ဝင်းမြမြကို တွေ့ချင်ပါတယ်။ ဘာကိစ္စတုန်းဆိုတော့ သူတို့က အထက်က မေးမြန်းစရာရှိ လို့ပါလို့ ပြောတယ်။ အဲဒါနဲ့ ဒေါ်ဝင်းမြမြက အဲဒါဆိုရင်တော့ ထောင်ကိုခေါ်သွားမှာလား ဘယ်ကို ခေါ်သွားမလဲ မေးတော့ အဲဒါတော့ သူတို့ မသိဘူးပါဘူးလို့ ပြောပါတယ်။ အိမ်မှာလည်း သူတို့ဝင် ရှာဖွေတဲ့အခါမှာ ဘာမှလည်း တွေ့မသွားပါဘူး။ သူတို့လာခေါ်ချိန်က ဒေါ်ဝင်းမြမြက ဘုရားဝတ်ပြု နေလို့ သူတို့တောင်မှ ခဏထိုင်စောင့် ရပါသေးတယ်။ ခေါ်သွားတော့လည်း မီဘရှီ ပစ်ကပ်ကား အဖြူရောင် ဒ/၆၄၃၀ ကားနဲ့ ခေါ်သွားတာ ဖြစ်ပါတယ်။” ဟု ဒေါ်ဝင်းမြမြ၏ အစ်ကိုဖြစ်သူ ဦးဘစိုးက ပြောသည်။

မန္တလေးမြို့မှ အခြားအဲန်အယ်လ်ဒီအဖွဲ့ဝင်များကို ဖမ်းဆီးမှုများ ရှိခဲ့ကြောင်း သတင်းထွက်ပေါ် လာသော်လည်း အတည်ပြုချက်မရရှိသေးပေ။

ယခုလ ၂၆ ရက်နေ့ညတွင် အဲန်အယ်လ်ဒီ ခေါင်းဆောင်များဖြစ်သည့် ဦးလှဖေ၊ ဦမြင့်သိန်းနှင့် အခြားတိုင်းရင်း သား ခေါင်းဆောင်များဖြစ်သည့် ဦးထောင်ခိုထန်းနှင့် ဦးပုကျင်ရှင်းထန်တို့ လေးဦးကို ဖမ်းဆီးခဲ့ပြီး ယင်းဖမ်းဆီးမှု ကို နိုင်ငံတော်အတွင်း ဖြစ်ပေါ်ခဲ့သည့် အကြမ်းဖက်မှု များနှင့် လက်ရှိဖြစ်ပေါ်နေသော ဆူပူအုံကြွမှုများနှင့် ပတ် သက်၍ စစ်ဆေးမေးမြန်းရန် လိုအပ်သဖြင့် သက်ဆိုင်ရာက ခေါ်ယူထားကြောင်း စစ်အစိုးရက သတင်းထုတ် ထုတ်လွှင့်ခဲ့သည်။

ယခုလအတွင်း မြန်မာပြည်အနှံ့ ရန်ကုန်၊ မန္တလေး၊ မိုးကုတ်၊ မကွေး၊ ကျောက်ပန်းတောင်း၊ ရေနံချောင်း၊ မိတ္ထီလာ၊ ညောင်ဦး စသည်မြို့ကြီးများမှ  အဲန်အယ်လ်ဒီ ပါတီဝင်ပေါင်း ၂၀ ကျော်တို့ကို နအဖ စစ်အာဏာရှင် တို့က ဖမ်းဆီး ထိန်းသိမ်းထားသည်။

အဲန်အယ်လ်ဒီပါတီဝင်များကို ဖမ်းဆီးနေချိန်တွင် ငြိမ်းချမ်းစွာ ဆန္ဒပြနေကြသည့် သံဃာတော်နှင့် ပြည်သူများ ကိုလည်း စစ်တပ်က အကြမ်းဖက် သတ်ဖြတ်နေသလို ဖမ်းဆီးမှုများလည်း ပြုလုပ်နေသည်။

မြန်မာနိုင်ငံအတွက် စိတ်ရှည်ရန် လိုအပ်သည်

နိုင်ငံခြား ဧည့်သည်များနှင့် သတင်းစာဆရာများက ယနေ့ မြန်မာနိုင်ငံ၌ ကြုံတွေ့ရင်ဆိုင်နေရ သည့် “ရှေ့မတိုးသာ နောက်မဆုတ်သာ”နိုင်ငံရေးကိစ္စနှင့် ပတ်သက်ပြီး အမျိုးသား ဒီမိုကရေစီအဖွဲ့ချုပ် အနေဖြင့် မည်သို့ သဘောထားသနည်း ဟု မကြာခဏ မေးမြန်းလေ့ ရှိကြသည်။ ထွက်ပေါက် ပိတ်နေသော အခြေအနေ မဟုတ်သဖြင့် “ရှေ့မတိုး သာနောက်မဆုတ်သာ” ဟူ၍ မရှု့မြင်မသုံး သပ်သင့်ကြောင်း ကျမ ပြန်လည်ရှင်းပြခဲ့ရ သည်။

မြန်မာနိုင်ငံတွင် နိုင်ငံရေးလှုပ်ရှားမှုများ စဉ်ဆက်မပြတ် ပြုလုပ်နေသော်ငြားလည်း ပြင်ပဆန်းစစ် လေ့လာသူများ အနေဖြင့် လုံးဝ ဥဿုံ သိရှိနားလည်နိုင်မည် မဟုတ်ဟု လည်း ဖြည့်စွက် ပြောကြားခဲ့ရသည်။ တနည်းပြောရလျှင် နိုင်ငံရေးစကားဝိုင်း၏ သမာဓိစွမ်းအား ဟူသည် ဟာဒယရွှင်ဆေး တရပ်တော့ မဟုတ်ပေ။ ကျမတို့၏ အဓိကရည်ရွယ်ချက်သည် ကျမတို့နိုင်ငံ၏ အဓိက နိုင်ငံရေး အင်အားစုများ လက်ခံနိုင်လောက်သည့် နိုင်ငံရေးဆန်သော ဖြေရှင်းမှု တရပ်ပင်။ ထို့ကြောင့် ထွက်ပေါက် ပိတ်အောင် ပြုမူဆောင်ရွက်ခြင်း မည်သည် ပဲ့ကိုင်တယောက်၏ လက်ကို ရိုက်ချိုးပစ်ခြင်း သို့တည်းမဟုတ် အသက်ရှင် ရပ်တည်ခွင့်မပေးခြင်းဟု ပြန်ဆိုနိုင်ပေမည်။ ဤနည်းဖြင့် ငြိမ်းချမ်းရေးလမ်းစကို မဖေါ်ထုတ်နိုင်ရာ။ နအဖ (န၀တ)မှ ကျမတို့၏ အမြင်ရှုထောင့်ကို လက်မခံနိုင်သည်က အချက်တချက်။ စစ်အုပ်စုအဖွဲ့ဝင်များ ထုတ်ပြန်သည့် ကြေငြာချက်များ အရ သူတို့ပြောဆိုနေသော ငြိမ်းချမ်းရေးဟူသည် ဒီမိုကရေစီ အတိုက်အခံများ ကွယ်ပျောက်သွား စေရေး ဖြစ်နေသည်။ ကျမတို့ကို ဤကဲ့သို့ ချောင်ပိတ်ထားခြင်းအားဖြင့် ရရှိလာသည်ကတော့ အဖြေနတ္တိ။ အမျိုးသား ဒီမိုကရေစီ အဖွဲ့ချုပ်ထံ ဦးတည်ပစ်မှတ်ထားသော စစ်အုပ်စု၏ သရုပ်သကန်သည် ဘေဆောရပ်(စ်) အဘိဓာန် က အနက်အဓိပ္ပါယ် ဖွင့်ဆိုထားသော အပြီးသတ် သုတ်သင်ချေမှုန်းမှု၊ အမှုန့်ကြိတ်ချေခြင်းနှင့် ပွဲသိမ်း ဖျာလိပ်ခြင်း တို့နှင့် ထပ်တူထပ်မျှပင်။ အမျိုးသား ဒီမိုကရေစီအဖွဲ့ချုပ် အဖွဲ့ဝင်များ နှင့် အဖွဲ့ချုပ် ထောက်ခံသူတို့ သည် နအဖစစ်အုပ်စု၏ အကြမ်းပတမ်းခေါ်ယူ စစ်ဆေးခြင်းကိုခံရ၊ မတရာဖမ်းဆီး ချုပ်နှောင်ခြင်း ထောင်ချခြင်း များကို နေ့စဉ်နှင့်အမျှ ခံနေကြရသည်။ ထို့ပြင် စစ်အာဏာပိုင်တို့သည် အစည်းအဝေးများကိုကျင်းပပြီး လူထုကို အဓမ္မ တက်ရောက်ခိုင်းခြင်း၊ ရွေးချယ်တင် မြှောက်ခံထားရသော ပြည်သူ့လွှတ်တော် ကိုယ်စားလှယ်များ နှုတ်ထွက်ပေးရန် အဓမ္မ တောင်းဆိုခိုင်းခြင်း၊ အမျိုးသားဒီမိုကရေစီအဖွဲချုပ် ဖျက်သိမ်းပေးရန် တောင်းဆို ခိုင်းခြင်း များ ပြုလုပ်နေကြသည်။

ထို့အပြင်စစ်အုပ်စု ကြိုးကိုင်ထားသော သတင်းစာ၊ ရေဒီယိုများမှလည်း ကျမတို့ပါတီ ကိုယ်စားလှယ်များ နှုတ်ထွက် နေကြကြောင်း နေ့စဉ်နှင့်အမျှ ရေးသားထုတ်လွှင့် နေကြသည်။ မြောက်များစွာသော အမျိုးသား ဒီမိုကရေစီ အဖွဲ့ချုပ်အဖွဲ့ဝင်များသည် အဖွဲ့ချုပ်မှ ရာသက်ပန် နှုတ်ထွက်ကြောင်း လက်မှတ်ရေးထိုးရန် အဓမ္မ အမိန့်ပေး စေခိုင်းခြင်းကို ခံကြရသည်။ စစ်အုပ်စု၏ ဥပါဒါန်အစွဲ ဖြစ်နေသော ကျမတို့ အမျိုးသား ဒီမိုကရစီ အဖွဲ့ချုပ်ကို ဖျက်ဆီးပစ်ရန် ကြိုးစားမှုသည် ကျမတို့၏ ယုံကြည်မှုသံန္နိဌာန်ကို ပိုမိုအား ကောင်းလာစေသည်။ အကြမ်းမဖက်သည့် နိုင်ငံရေး လှုပ်ရှားမှုများသည်သာ ကျန်းမာသန်စွမ်းသော ဒီမိုကရစီ နိုင်ငံအခြေခံအုတ် မြစ်ချပေးနိုင်မည်ဟု ကျမတို့ နှစ်နှစ်ကာကာ ယုံကြည်ပြီး ထိုကဲ့သို့သာ လှုပ်ရှား ဆောင်ရွက်မည်ဟု စိတ်ပိုင်းဖြတ် ထားခဲ့ပြီး ဖြစ်သည်။ နိုင်ငံရေး တွေ့ဆုံဆွေးနွေးခြင်းဖြင့်သာ အမျိုးသားရေး ပြဿနာများကို ပြေ လည်အောင် ဖြေရှင်းနိုင်လိမ့်မည်ဟု အမျိုးသား ဒီမိုကရေစီအဖွဲ့ချုပ်မှ ယုံကြည်သည်။ ကျိုးကြောင်းခိုင်လုံသော သဘောတူညီချက်များကို လက်ခံရန် ကျမတို့ အဆင်သင့် ဖြစ်နေသည်။ နိုင်ငံရေး တွေ့ဆုံဆွေးနွေးမှုဆီ သို့ ဦးတည်သောဘောင် သက်မှတ်ချက်များအတွက် ကျမတို့ လက်ခံရန် အသင့်ဖြစ် နေသည်မှာ နှစ်ပေါင်းများစွာကြာခဲ့ပြီ။ သို့ ရာတွင် စစ်အုပ်စုဖက် ကမူ တုပ်တုပ်မျှမလှုပ်ခဲ့ပေ။ ၁၉၈၈ခုနှစ် စစ်အုပ်စုမှ အာဏာသိမ်း ပြီးနောက်ပိုင်း ဒီမိုကရေစီ လှုပ်ရှားမှု (၁၂) နှစ်တာ ကာလအတွင်း မြန်မာနိုင်ငံ၏ စီပွားရေး၊ လူမှုရေးကိစ္စ အ၀၀သည် ဆထက် ထမ်းပိုး ဆိုးရွား၍သာ နေတော့သည်။ စစ်အုပ်စုအနေဖြင့် ပုဂ္ဂလိက လုပ်ငန်းများ၊ နိုင်ငံ ခြားရင်းနှီးမြှုပ်နှံမှုများကို ခွင့်ပြုခဲ့သော် လည်း ကျန်းမာသန်စွမ်းသည့် လူ့အဖွဲအစည်းတရပ် ပေါ်ထွန်းလာစေနိုင်သည့် အုပ်ချုပ်ရေးစနစ်၊ နိုင်ငံရေးစနစ် များကို မဖော်ဆောင်နိုင်ခဲ့ပေ။

အမှန်တကယ်၌မူ ခေတ်နှင့်ဆီ လျော်သော စီးပွားရေး ပေါ်လစီများကို မဖော်ဆောင်နိုင်ခဲ့၍ တိုင်းပြည်သည်စီးပွားရေးရွှံ့နွံ၊ လူမှုရေး ရွှံ့နွံများထဲ နစ်မွန်းနေရတော့သည်။ ယမန်နှစ် ကမ္ဘာဘဏ်၏ အစီရင်ခံစာအရ သော်လည်းကောင်း၊ မကြာသေးမီက ပြုလုပ်သော အပြည်ပြည်ဆိုင်ရာ အလုပ်သမားအဖွဲ့ ၊ ကမ္ဘာကျန်းမာရေးအဖွဲ့တို့၏ သုတေသနပြု ချက်များအရလည်းကောင်း ကျမတို့၏ အဓိက ပြဿနာအခြေမြစ် သည် ကောင်းမွန်သော အစိုးရစနစ် ချိူ့တဲ့ခြင်းအပေါ် မူတည်သည်ဟု သိရသည်။ မူယစ်ဆေးဝါး ထုတ်လုပ်မှု ကိစ္စအတွက် စိုးရိမ်နေကြသူများ၊ မူးယစ်ဆေးဝါး မှောင်ခိုမှုကိစ္စအတွက်စိုးရိမ်နေကြသူများ၊ အိတ်(ခ်ျ )အိုင်ဗွီ ပျံ့ပွားမှုကိစ္စ အတွက်၊ နိုင်ငံရေးဒုက္ခသည် ကိစ္စအတွက်၊ တရားမ၀င် အလုပ်သမားများ ကိစ္စအတွက်၊ လူသား လိုအပ်ချက်များနှင့် အခြားပြဿနာများ အတွက် စိုးရိမ်ပူပန်နေကြသူများ အားလုံး အထက်ပါ အချက် မှန်ကန်ကြောင်း သိကြ ပေသည်။ နိုင်ငံရေးပြောင်းလဲမှုများ ကိုစနစ်တကျ တဆင့်ပြီးတဆင့် မပြုလုပ်ပါက၊ အုပ်ချုပ် ရေးကိစ္စများ အထူးသဖြင့် အစိုးရကောင်းတခု၏ အခြေခံ လိုအပ်ချက်များကို မဖော်ဆောင်နိုင်ပါက အနာဂတ်ကာလ၏ လူမှုရေး ကိစ္စများ၊ စီးပွားရေးကိစ္စများ၊ ပြေလည်ဖြေရှင်း သွားနိုင်မည် မဟုတ်ပေ။ ပြောစရာတခုတော့ ရှိသည်။ အုပ်ချုပ်ရေး လုပ်ငန်းမကျွမ်းကျင်မှု လူမှုရေး မတည်ငြိမ်မှုတို့ကို အခြေခံ၍ ယနေ့ အုပ်ချုပ်နေသော အာဏာပိုင်များ ခြေကုန် လက်ပန်းကျသွားစေရန်၊ ထိုမှတဆင့် ဖယ်ရှားပစ်ရန် ဆောင်ရွက်နိုင်သည်။ မြန်မာနိုင်ငံ၏ နိုင်ငံရေး နှိပ်ကွပ်မှုများ ကို ဖြေရှင်းရန် အတွက် သမာဓိစွမ်းအားများ ဆထက်ထမ်းပိုး လိုအပ်ပေသည်၊၊

ဒေါ်အောင်ဆန်းစုကြည် အမေရိကန်နိုင်ငံ ထုတ် ၀ါရှင်တန်ပို့ (စ်) သတင်းစာ၌ ရေးသားခဲ့သည့် ဆောင်းပါးဖြစ်ပါသည်၊

ယမန်နေ့ပစ်ခတ်မှုတွင် (၉) ဦးသေဆုံးကြောင်း နအဖ ၀န်ခံ

ရန်ကုန်မြို့၌ သပိတ်မှောက်ဆန္ဒပြကြသည့် သံဃာ
တော်များနှင့်လူထုကို စစ်တပ်က ပစ်ခတ်သောကြောင့် (၉) ဦးသေဆုံးပြီး (၁၁) ဦးဒဏ်ရာရှိခဲ့
ကြောင်း နအဖ စစ်အစိုးရပိုင် သတင်း မီဒီယာများမှ တရားဝင်သတင်းထုတ်ပြန်သည်။
သေဆုံးသူများအနက် အသက် (၅၂) နှစ်အရွယ်ရှိ ဂျပန်နိုင်ငံသား မစ္စတာနာဂအိကန်ဂျီလည်း
ပါဝင်ကြောင်း၊ ၎င်းသည် ခရီးသွားဗီဇာဖြင့် လာရောက်ခြင်းဖြစ်သော်လည်း ဆန္ဒပြသူများနှင့်
လိုက်ပါသတင်းရယူရာမှ သေနတ်ထိမှန် သေဆုံးခဲ့ခြင်းဖြစ်ကြောင်း ယနေ့ထုတ်မြန်မာ့အလင်း
သတင်းစာ ၌ဖော်ပြသည်။
ဆန္ဒပြသူများ၏လက်ချက်ကြောင့် လုံခြုံရေးတပ်ဖွဲ့ဝင် (၃၁) ဦးထိခိုက်ဒဏ်ရာရသည်ဟုလည်း
ပါရှိ သည်။
ယမန်နေ့က ရန်ကုန်မြို့ တာမွေ၊ ကျိုက္ကဆံဘုရားအနီးနှင့် ဆူးလေဘုရားအနီးတို့တွင် သပိတ်
မှောက်သည့် ပြည်သူလူထုအား နအဖ စစ်တပ်က အကြမ်းဖက်ပစ်ခတ်နှိမ်နင်းခဲ့ပြီး သေဆုံး
ဒဏ်ရာရသူ အများအပြားရှိနိုင်ကြောင်း မျက်မြင်တွေ့သူတို့က ခန့်မှန်းကြသည်။
စက်တင်ဘာ (၂၆) ရက် ပစ်ခတ်မှုတွင်လည်း (၁) ဦးသေဆုံးပြီး (၃) ဦးဒဏ်ရာရခဲ့ကြောင်း
စစ်အစိုးရ က တရားဝင်သတင်းထုတ်ပြန်ထားသည်။

မန္တလေးတွင် အကြမ်းဖက် ရိုက်နှက် ဖမ်းဆီးမှုများ စတင်

မန္တလေးမြို့တွင် ဆန္ဒပြခဲ့သော ရဟန်းသံဃာများနှင့် ပြည်သူလူထုများကို စစ်တပ်နှင့် လုံထိန်းများက မျက်ရည်ယို ဗုံး၊ သေနတ်များဖြင့် ပစ်ခတ်ဖြိုခွဲကာ ယနေ့ ဖမ်းဆီးမှုများ စတင် ခဲ့သည်။

ယနေ့ နေ့လည် ၁၂နာရီမှ စတင်လမ်းလျှောက် ဆန္ဒပြခဲ့ကြသော ရဟန်းသံဃာများနှင့် ပြည်သူလူထု တစ်သိန်း ခန့်ကို မန္တလေးတွင် လုံခြုံရေးယူထားသော စစ်တပ်၊ ရဲ၊ လုံထိန်း၊ ကြံ့ဖွံ့များက ၂ နာရီခွဲခန့်တွင် စတင် ပစ်ခတ် ဖြိုခွဲခဲ့ခြင်းဖြစ်သည်ဟု မန္တလေးမြို့ခံ တစ်ဦးက ပြောသည်။

ကျနော် ဒီ သံဃာအပါးနှစ်ရာလောက် ဒီမျက်ရည်ယိုဗုံးတွေပစ်၊ သေနတ်တွေနဲ့ပစ် အဖမ်းခံရတယ်။ နောက်ပြီးတော့ အခုလောလောဆယ်မှာ ကျနော်တို့ ဒီ ရှစ်လေး၊ ရှစ်ငါး၊ ရှစ်ခြောက်။ သုံးသုံး၊ သုံး လေးရဲ့ အဲ့ဒီ ထိပ်တွေထဲမှာ ပြည်သူလူထုနဲ့ ဒီကျနော်တို့ စစ်တပ်နဲ့ လိုက်တမ်းပြေးတမ်း ကစားနေ တယ်။  အခုနောက်ဆုံးအခြေအနေကတော့ လိုက်တမ်းပြေးတမ်းပဲ လိုက်တမ်းပြေးတမ်းပဲဗျ။ စစ်တပ် က လိုက်လိုက် ပြည်သူက ပြေးလိုက်ပေါ့၊ အဲ့လိုမျိုး အဲ့လိုပုံစံပေါ့။

လမ်းလျှောက်ဆန္ဒပြလာသည့် သံဃာများ ၃၃ လမ်းနှင့် ၂၁ လမ်းအရောက်တွင် မျက်ရည်ယိုဗုံးများ သေနတ်များ ဖြင့် ပစ်ခတ်ခံခဲ့ရပြီး သံဃာတစ်ချို့ကို လက်ကိုင်တုတ်များဖြင့် ရိုက်နှက်ခဲ့ပြီးနောက် ဖမ်းဆီးထိန်းသိမ်းခဲ့ခြင်း ဖြစ်သည်ဟု ဆက်လက်ပြောသည်။

မန္တလေးမြို့တွင် လမ်းလျှောက်ဆန္ဒပြသူများကို နှိမ်နှင်းရန်အတွက် ယခင်နေ့များထက် လုံခြုံရေးပိုမို တိုးမြှင့် ချထားကြောင်းလည်း မန္တလေး မြို့ခံ တစ်ဦးက ဆက်လက်ပြောသည်။

မန္တလေးမြို့ထဲမှာက ခါတိုင်းထက် ငါးဆလောက် ပြည့်သိပ်အောင်ချထားတာ စစ်သားလည်းပါတယ်၊ ရဲလည်းပါတယ်၊ လုံထိန်းလည်းပါတယ်၊ စွမ်းအားရှင်လည်းပါတယ်၊ ကြံ့ခိုင်ရေးလည်းပါတယ်။ တစ်ချို့ နေရာတွေ ဆိုရင် ခင်ဗျား ထောင်သားတွေပါ ပါတယ်။

ယမန်နေ့ည ၇ နာရီခန့်က မန္တလေးမြို့ရှိ ပေါက်မြိုင်ဘုန်းကြီးကျောင်းတိုက်တွင် သံဃာတော်များ ဘုရားဝတ်ပြု နေစဉ် စစ်တပ်၊ ရဲ၊ လုံထိန်း၊ ကြံ့ဖွံ့များရောက်ရှိလာပြီး သံဃာများကို ရိုက်နှက်ကာ အပါး ၄၀ ဖမ်းဆီးခေါ် ဆောင်သွားကြောင်း သိရသည်။

ဓမ္မနဲ့ အဓမ္မ တိုက်ပွဲ

အာဇာနည်တွေ နေတဲ့တိုင်းပြည်

အာဏာရှင်တွေက လွယ်လွယ်နဲ့ အခွင့်အရေးမပေးဘူးဆိုတာ သိပါတယ်။
ကိုယ့်အခွင့်အရေးကိုလည်း ကိုယ်တိုင်တိုက်ရမယ် ဆိုတာကိုလည်း ပြည်သူလူထုက သိပါတယ်။
ဘုရားသားတော်တွေကို မဟုတ်မမှန်စွပ်စွဲချက်တွေနဲ့ ပြစ်မှားနေတဲ့ အာဏာပိုင်တွေရဲ့ ကျဆုံးခန်းကတော့ မလွဲမသွေ ရောက်လာမှာပါ။
ဓမ္မနဲ့ အဓမ္မ တိုက်ပွဲ အဆုံးသတ်ကို အဆုံးအဖြတ်ပေးပါလိမ့်မယ်....

တိုင်းရင်းသားခေါင်းဆောင်နှင့် အဖွဲ့ချုပ် ပါတီဝင်တချို့ ဖမ်းဆီးခံရ

ယနေ့နံနက်အစောပိုင်းတွင် ဦးကျင်ရှင်းထန်၊ ဦးထောင်ခိုထန်း အပါအ၀င် တိုင်းရင်းသား ခေါင်းဆောင်များနှင့် အမျိုးသားဒီမိုကရေစီအဖွဲ့ချုပ်မှ ထိပ်ပိုင်းခေါင်းဆောင်အချို့ကို အာဏာပိုင်များက ဖမ်းဆီးခေါ်ဆောင်သွားသည်။

ဦးကျင်ရှင်းထန်အား ဖမ်းဆီးသွားကြောင်းကို ၄င်း၏ မိသားစုဝင်တဦးက ယခုလို အတည်ပြုပြောသည်။

“ရဲအုပ်ခင်မောင်ဝင်းတဲ့ အဲဒါ သတင်းတပ်ဖွဲ့ကတဲ့ ။ ပြီးတော့ ဒု-ရဲမှူးရန်နိုင် သူတို့ ဦးဆောင်တာ ပေါ့။ ရပ်ကွက်ရုံးက လူနှစ်ယောက်နဲ့ (၇)ပေါ့။ ၂၇ ရက်နေ့ မနက်ပိုင်းပေါ့။ လေးနာရီ ဆယ့်ငါးမှာ အိမ်ကို ၀င်လာတယ်ဗျ။”

ဦးကျင်ရှင်းထန်းကိုလိုက်ပို့စဉ် ဦးထောင်ကိုထန်းလည်းကားပေါ်တွင်တွေ့ရသည်ဟု ဦးထောင်ကိုထန်း၏ မိသားစု ၀င်က ပြောသည်။

အမျိုးသားဒီမိုကရေစီအဖွဲ့ချုပ်မှ ဦးမြင့်သိန်း ယမန်နေ့ညဥ့်ဦးပိုင်းတွင် အဖမ်းခံရသည်ဟု ဦးမြင့်သိန်း၏ မိသားစုဝင်တဦးက ပြောသည်။

“ဟုတ်ကဲ့ ညတစ်နာရီကလေ ညတစ်နာရီက လာခေါ်သွားတယ်။ မေးလို့ မရဘူး ဘယ်ကိုခေါ်သွားမှာ လဲနဲ့ ဘယ်သူဆိုတာလေ။ ဒီက ရယကနဲ့ သက်ဆိုင်ရာ မြို့နယ်က ရဲတွေတော့ ပါပါတယ်။”

အဲန်အယ်ဒီ ပါတီင်္မှ  ဧရာဝတီတိုင်းစည်းရုံးရေးမှူး ဦးလှဖေကိုလည်း ဖမ်းဆီးသွားခဲ့ကာ ကျောက်ပန်းတောင်း၊ ညောင်ဦးနှင့် အခြားမြို့များတွင်လည်း ဖမ်းဆီးမှုများရှိခဲ့ကြောင်း သိရသည်။

၂၅ရက် နေ့ညပိုင်းတွင် မန္တလေးတိုင်း မန္တလေးမြို့တွင် ဦးတင်အောင်အောင်၊ ဦးမျိုးနိုင်၊ ဦးခင်မောင်သောင်း၊ ကိုမြင့်စိုး၊ ကိုဇော်ဝင်းနှင့် ဇနီး မစန်းစန်းအေး၊ လူရွှင်တော် ပါပါလေး အပါအ၀င် (၇)ဦး၊ မိုးကုတ်မြို့တွင် ကိုမင်း သူ၊ မပွင့်ဖြူ၊ ဒေါ်သင်းသင်း သုံးဦး၊ မိတ္ထိလာတွင် စောမြင့်အေး၊ မကွေးမြို့တွင် ဦးမြင့်ဦးနှင့် ဦးမျိုးတင့်တို့ (၂)ဦး၊ ရေနံချောင်းမြို့တွင် ဦးသာထွန်းနှင့် ဦးတင်ကြိုင် နှစ်ဦး အပါအ၀င် အမျိုးသား ဒီမိုကရေစီအဖွဲ့ချုပ် ပါတီဝင်ပေါင်း ၁၅ ဦးကို အာဏာပိုင်များက ဖမ်းဆီးခေါ်ဆောင်သွားခဲ့သည်။

ယခုဖမ်းဆီးမှုများသည် ဆန္ဒပြသံဃာတော်များနှင့် ပြည်သူများကို အကြမ်းဖက် နှိပ်နင်းနေချိန် တွင် ဖြစ်ပွားခဲ့ခြင်း ဖြစ်သည်။

ဘုရားကားအောက် မျောက်ကားအထက်

အ၀ိစိဆိုတာ သိကြရဲ့လား.. သူတို့ အစား ကြက်သီးများ ထပါဘိ။ လူတွေမှရော ဟုတ်ကြရဲ့လား..။

 ခုနေ ဦးသန်းရွှေက ထိုင်ကန်တော့မယ်ဆိုရင်တောင် သူက ကိုယ့်ထက်ယုတ်ညံ့ပေမဲ့ အသက်ကြီးသူတော့ ဖြစ်တာမို့ အကန်တော့ မခံရဲပါ။ အခုတော့ ဘုန်းဘုန်းများရှေ့မှာ မတွန့်မတုံ့ အကန်တော့ ခံနေသူများရဲ့ အနာဂတ်ကို  ရှေ့လျှောက် စောင့်ကြည့် ချင်လိုက်တာ။

မြန်မာ့သမိုင်းမှာ အဆိုးဝါးဆုံးသော မှားယွင်းမှုကို နအဖက ကျူးလွန်ခဲ့လေပြီ..

မြန်မာ့သမိုင်းမှာ အဆိုးဝါးဆုံးသော မှားယွင်းမှုကို နအဖက ကျူးလွန်ခဲ့လေပြီ..
(၂၆၊၉၊၀၇)

အရိုက်ခံရလို့ ခေါင်းမှာ ဒဏ်ရာရနေတဲ့ ဘုန်းဘုန်း။ မျက်ရည်ယိုဗုံးပစ်စဉ် အခြေအနေကို ဒီနေ့ရတဲ့ပုံတွေက တဆင့် လက်ဆင့်ကမ်းလိုက်ပါတယ်။ ဗုဒ္ဒဘာသာနဲ့ ရဟန်းသံဃာတွေကို ဒီလိုဆက်ဆံသင့်ပါသလား?......

ကျော်သူနှင့် ကဗျာဆရာအောင်ဝေး တိမ်းရှောင်နေရ

ဆန္ဒပြသည့် သံဃာတော်များကို ဆွမ်းကပ်လှူခဲ့သော ရုပ်ရှင်သရုပ်ဆောင် ကျော်သူနှင့် ကဗျာဆရာ အောင်ဝေး တို့သည် အာဏာပိုင်များက ရှာဖွေဖမ်းဆီးနေသဖြင့် နေအိမ်မှ တိမ်းရှောင်နေသည်။

ယမန်နေ့ညက အဖြစ်အပျက်ကို ကျော်သူက ယခုလို ပြောသည်။

“ရဲက ၀င်တာကတော့ ကျနော် အိမ်ကို ဖုန်းဆက်တော့ အိမ်ကပြောတယ်။ တော်တော် မိုက်မိုက်ရိုင်း ရိုင်း ၀င်တယ်လို့ အဲလိုပြောတယ်ခင်ဗျား။ မိုက်မိုက်ရိုင်းရိုင်းနဲ့ဝင်တယ်ဆိုတာ ၀င်တဲ့သူကလည်း ၀င် တာပေါ့လေ။ ဒါပေမယ့် အားနာတဲ့ သူတွေကလည်း အားနာတဲ့ အလျှောက် အဲလိုပါတယ်ခင်ဗျား။ ကျ နော်တို့ကို အားလုံးရှာတယ်။ ရှာပြီး ကျနော်အဖေ အိမ်တွေမှာတောင် အားလုံးရှာတယ်။ ညနှစ်နာရီ လောက်လို့ ပြောတယ်ခင်ဗျား။ ”

ကျော်သူသည် ယမန့်နေ့ နေခင်းမှ စတင်၍ ၄င်း၏ နေအိမ်သို့ မပြန်တော့ဘဲ အခြား တနေရာတွင် တိမ်းရှောင် နေသည်။

မြန်မာပြည်တွင် လက်ရှိဖြစ်ပေါ်နေသောအကျပ်အတည်းများကို ငြိမ်းချမ်းသည့်နည်းလမ်းဖြင့် လက်ကိုင်ထားပြီး ဆက်လက်ဆန္ဒပြ တောင်းဆိုသွားမည်ဟု ကျော်သူက ပြောသည်။

“အခုချိန် သံဃာတွေလည်း ဖမ်းကုန်ပြီ။ ရိုက်တောင် ရိုက်တယ်ဆိုပြီး ပြောတယ်။ နှစ်ပါး လုံးဝ ခေါင်း ကွဲသွားတယ်တဲ့။ အဲဒါ ခေါ်သွားတယ်တဲ့။ အဲလို ကြားနေရတယ်။ ကျနော်တို့ ဒါ ငြိမ်းငြိမ်းချမ်းချမ်းနဲ့ ကျနော်တို့ တောင်းဆိုတဲ့အပိုင်းပဲရှိတယ်။ ကျနော်တို့ ရှေ့ဆက်ပြီးတော့ ငြိမ်းချမ်းရေးနည်းနဲ့ အဓိက ပဲခင်ဗျား။ ကျနော်ငြိမ်းငြိမ်းချမ်းချမ်းနဲ့ ကျနော်တို့ ပြည်သူတွေ အေးချမ်းဖို့ အဲဒီဟာကို ကျနော်တို့ အဓိကထားပါတယ်။”

သံဃာတော်များ၏ ဆန္ဒပြပွဲများကို အားပေးထောက်ခံသူ နောက်တဦးဖြစ်သည့် ကဗျာဆရာအောင်ဝေးလည်း နေ အိမ်သို့ မပြန်ဘဲ တိမ်းရှောင်နေသည်။

ကဗျာဆရာ အောင်ဝေးက စစ်အစိုးရကဖိနှိပ်လာသည့် အခြေအနေတွင် ပြည်သူတရပ်လုံး စည်းလုံးကြရန် တိုက် တွန်းသည်။

“အပြတ်အောင်မြင်အောင်လုပ်ဖို့ဆိုရင် အဓိက အချက် သာသနာ့အလံတော်အောက်မှာ ကျနော်တို့ တိုင်းသူပြည်သားတခုလုံး စည်းလုံးညီညွှတ်စွာနဲ့ မားမားမတ်မတ်ရဲရဲရင့်ရင့် ရပ်တည်နိုင်ဖို့လိုပါတယ်။”

အမျိုးသားရေး ဦးဝင်းနိုင်၊ ရုပ်ရှင်သရုပ်ဆောင် ကျော်သူ၊ လူရွှင်တော်တဖြစ် ဒါရိုက်တာ ဇာဂနာ ခေါ် ဦးသူရ၊ ကဗျာဆရာ အောင်ဝေး စသည့် အနုပညာသည်များသည် ဆန္ဒပြသည့် သံဃာတော်များကို နှစ်ရက်ဆက်လိုက် ဆွမ်းကပ် လှူဒါန်းခဲ့သည်။

သံဃာတော်များကို ဆွမ်းကပ်လှူဒါန်းခဲ့သည်အတွက် အမျိုးသားရေး ဦးဝင်းနိုင်နှင့် လူရွှင်တော် ဇာဂနာတို့အား ယမန်နေ့ညတွင် ၀င်ရောက်ဖမ်းသွားသည်။

မြစ်ကြီးနားနှင့် ဗန်းမော်တွင် ရာနှင့်ချီသော သံဃာတော်များအား ဖမ်းဆီး အကြမ်းဖက်ရိုက်နှက်မှုများ ရှိခဲ့

ယနေ့ နံနက် လင်းအားကြီး အချိန်က စစ်သားများက ဗန်းမော်နှင့် မြစ်ကြီးနားရှိ ဘုန်းကြီးကျောင်း အချို့ကို ၀င် ရောက် စီးနင်းခဲ့ပြီး ရာနှင့် ချီသော သံဃာတော်များအား ဖမ်းဆီးခေါ်ဆောင်သွားခဲ့သည်။

ယနေ့ ဗန်းမော်က ရသော သတင်းများ အရ ယခင်ရက်များက ဆန္ဒပြမှုများတွင် ဦးဆောင်ပါဝင်သော သိမ်တော် ကြီးကျောင်းတိုက်မှ သံဃာ ၁၀၈ ပါးကို ယနေ့နံနက် လင်းအားကြီးတွင် စစ်တပ်က ၀င်ရောက်ဖမ်းဆီးသွားခဲ့ သည်။

ထွက်ပြေးရန်ကြိုးစားသည့် သံဃာများနှင့် လိုက်ပါရန်ငြင်းဆန်သည့် သံဃာများအား စစ်တပ်က အကြမ်းဖက် ရိုက်နှက်မှုများ ရှိသည်ဟု မြို့ခံ တဦးက ဆိုသည်။

ဖမ်းဆီးသွားသော သံဃာများကို ဗန်းမော် အခြေစိုက် ခလရ ၂၃၆ တွင် ထိန်းသိမ်းထားသည်။

တချိန်တည်းမှာပင် မြစ်ကြီးနားတွင်လည်း ခေမာသီရိကျောင်းတိုက်နှင့် ယုဇန ကျောင်းတိုက်များကို စစ်တပ်က ၀င်ရောက်စီးနင်းခဲ့သည်။ ယုဇန ကျောင်းတိုက်မှ သံဃာ အပါး ၉၀ နှင့် ခေမာသီရိကျောင်းတိုက်မှ သံဃာတော် ၄၂ ပါးကို ဖမ်းဆီးခေါ်ဆောင်သွားခဲ့သည်။ ၀န်းသိုကျောင်းတိုက်မှ သံဃာတော် ၂၉ မှာမူ ထွက်ပြေးတိမ်းရှောင် နေသည်ဟု သိရသည်။

ဗန်းမော်တွင် ဆန္ဒပြပွဲတွင် ပါဝင်သော အရပ်သားများအားလည်း ဖမ်းဆီးမှုများ ရှိသည်ဟု သတင်းများ ထွက် ပေါ်နေသည်။

၂၆ရက်နေ့ မြင်ကွင်း

ကျမတို့ တိုင်းပြည်မှာ မိစ္ဆာဒိဋ္ဌိတွေ .. အာဏာရူးတွေ .. ဟီရိသြတပ္ပ ကင်းမဲ့တဲ့သူတွေ .. ရက်စက်ယုတ်မာသူ တွေ.. ဖိနှိပ် အုပ်ချုပ်တာကို နောက်ထပ် ဘယ်လောက်ကြာကြာ ဆက်ပြီး ခေါင်းငုံ့ခံနေမလဲ..။ ကိုယ့် မျိုးဆက် သွေးသားတွေကို ဘယ်လို ဘ၀မျိုးနဲ့ ရှင်သန် ကြီးပြင်းစေမလဲ.. ဆိုတာ ပြတ်ပြတ်သားသား ရွေးချယ် ဆုံးဖြတ် ရမယ့်အချိန် ရောက်နေပါပြီ။ မိဘမကောင်း သားသမီးခေါင်း ဆိုတာလို၊ အစိုးရမကောင်းတဲ့အတွက် ပြည်သူလူထုပါ ညံ့ဖျင်းရာကျနေရတဲ့ ဘ၀တွေကို နောက်ထပ် ဘယ်လောက် ကြာကြာ လက်ခံ ရင်ဆိုင်ကြ မလဲ..။

ဒီအချိန်မှာ ဒီတိုက်ပွဲမှာ လက်လျှော့လိုက်ရရင် .. နောက်ထပ် အသက်ပေါင်းများစွာ.. မျိုးဆက်ပေါင်းများစွာ… နှစ်ပေါင်းများစွာ… အထပ်ထပ်ပေးရတော့မှာ သေချာနေပါပြီ။ နတ်မောက်ဆရာတော်ကြီး မိန့်သလို ကိုယ့်လက်ထက်မှာ ကြွေးကုန်အောင် ဆပ်ကြပါလို့ တောင်းပန်တိုက်တွန်းပါရစေတော့..။

ညမထွက်ရ အမိန့်ထုတ်လိုက်ပြီ

ဆန္ဒပြမှုကြီးထွားလာမှုကို ဟန့်တားသည့် အနေဖြင့် မြန်မာအစိုးရက ရန်ကုန်နှင့် မန္တလေးမြို့ကြီးနှစ်မြို့မှာ ညမ ထွက်ရ၊ လူ ၅ ယောက်ထက်ပိုမစုရ အမိန့်ကို ထုတ်ပြန်လိုက်သည်။

ယခုထုတ်ပြန်သော အမိန့်ကို အစိုးရပိုင်သတင်းမီဒီယာများမှ ထုတ်လွှင့်ဖော်ပြခဲ့ခြင်းမဟုတ်ပဲ ကားများဖြင့် လှည့် လည် ကျေညာခဲ့ခြင်းဖြစ်သည်။

ကာဖျူးက ဒီကနေ့ အချိန်မတော်မှာ ထုတ်လိုက်တာလေ၊ အမိန့်တခုအနေနဲ့ ထုတ်လိုက်တာ။ ကား တွေနဲ့ လှည့်ပြီး အော်တာ ဟု ရန်ကုန်မြို့ခံ တဦးက ယမန့်နေညနက်ပိုင်းက ပြောပြသည်။

ယခုထုတ်ပြန်သော အမိန့်တွင် ရန်ကုန်၊ မန္တလေးမြို့ကြီးများ၌ ည ၉ နာရီမှ မနက် ၅ နာရီ အတွင်း အိမ်ပြင်မ ထွက်ရန်နှင့် လူ ၅ ယောက်ထက်ပို မစုရန် ဖော်ပြထားသည်။

ဗုဒ္ဓဘာသာ မြန်မာ့သမိုင်း ဒီနေ့ ရိုင်းပြီ

ဗုဒ္ဓဘာသာ မြန်မာ့သမိုင်း ဒီနေ့ ရိုင်းပြီ
(၂၆၊၉၊၀၇)

ဒီပုံတွေ မြင်ပြီး အံ့သြခဲ့တယ်။ ထိတ်လန့်ခဲ့တယ်.....။
သံဃာတော်တွေ ပြည်သူလူထုတွေ ....
နောက်မတွန့်ဘူး.... သိပ်လေးစားစရာ ဂုဏ်ယူစရာကောင်းတဲ့ စိတ်ဓါတ်တွေနဲ့...
နောက် နာကျည်းဒေါသထွက်မိတယ်။ ငါတို့နိုင်ငံဟာ ဒီလောက်တောင် ဖြစ်သွားပြီလား...
ကမ္ဘာပေါ်က ဘာသာကြီး ၄ မျိုးထဲမှာ ဒီလို အဖြစ်မျိုး ဘယ်ဘာသာမှာဖြစ်ဖူးသလဲ....
အော်... မှားပြီးရင်းမှားနေပါလား နအဖရယ်......