မြ၀တီမြို့ ဘုရင့်နောင်လမ်းမ ပေါ်ရှိ ကျုံးမြေတွေပေါ်ရှိ မော်ရွှေမြိုင် စားသောက်ဆိုင်ခန်း များက သမပိုင် မြေပေါ်ကို မတရား ကျူးကျော်ဝင်ရောက် နေထိုင်ကာ ဈေးရောင်းနေမှုနှင့် ပတ်သက်၍ ပုဂ္ဂလိက သမ၀ါယမမှ တရားစွဲဆိုထား တဲ့အတွက် ပြည်နယ်ပယက ဥက္ကဌနှင့် အဖွဲ့ မြ၀တီမြို့ကို (၁၇-၁-၁၁)ရက်နေ့က လာရောက်စစ်ဆေးရန် ရောက်ရှိလာပါတယ်။
အမှန်တော့ ဒီကျုံးမြေဟာ နိုင်ငံပိုင်မြေပါပဲ။ ခယကဥက္ကဌ ဦးထွန်းထွန်းဝင်း ဟာ မြေစာရင်းနဲ့ ညှိပြီး သမ၀ါယမပိုင်ဆိုပြီး ရောထွေးကာ ရောင်းစားသွား ခြင်းဖြစ်ပါတယ်။
သမ၀ါယမက လူတွေကလည်း သူတို့ပိုင်ဆိုပြီး လေလံတင် ထပ်မံရောင်းစားသွားခဲ့ပြန်တယ်။
နိုင်ငံတော်က လည်း ရောင်းစားကြတာမျိုးတွေ လုပ်နေတော့ အောက်ခြေမှာ ရှိတဲ့ ခယက၊ မယက တွေကလည်း ဘယ်နေရာမှာ ဘာရှိမလည်း လိုက်လံရှာဖွေကာ ရောင်းစားကြရတာပေါ့။
အခုဒီကျုံးမြေကိစ္စလည်း ခဏခဏလာစစ်နေကြတာကို ပြည်သူတွေက သိတယ်။
စစ်ဆေးတဲ့သူတွေကလည်း အကြောင်းစုံကို သိလျှက် မိသားစုစားဝတ်နေရေးကြောင့် အမှန်တရားကို မျက်ကွယ်ပြုကာ ခေတ်အခြေအနေ အညီ ရတဲ့အချိန်မှာ ငွေထုတ်ပိုက်ပြီး ပြန်ပြန်သွားကြတာပဲ။ အခုအဖွဲ့ ကလည်း စစ်ဆေးဘို့တောင် မလုပ်ရသေးဘူး တရားမ၀င် ( without ) မော်တော်ယာဉ် ဆပ်ကား တစီ်းကို ဘတ်ငွေ နှစ်သိန်းခွဲကျော်ကို မှာစီးတယ်။ လက်ဆောင်အဖြစ်တောင်းတယ်။ ပြန်ရင်သယ်သွားပြီိး လိုင်စင်ဝင်မလို့ ဆိုတယ်။
နိုင်ငံတော်သီချင်းမှာပါသလိုပေါ့ “ ဒါဒို့ပြည် ဒါဒို့မြေ ဒို့ပိုင်တဲ့ ပယက၊ ခယက ၊ မယက များ ရောင်းစားရန် ပိုင်တဲ့မြေ ” အထက်ကရောင်းစားနေကြတော့ ရယက ဥက္ကဌတွေကလည်း ရောဂါထလာပြီး လမ်းမြေတွေကို ပိတ်ဆိုကာ ရောင်းစာကြတယ်။
အမှတ်(၅)ရပ်ကွက်မှာ (၆)ကွက်။ အမှတ်(၄)ရပ်ကွက်မှ (၈)ကွက် လမ်းပိတ်ပြီး ရောင်းစားခဲ့တယ်။ အခု ကျူးကျော်ဝင်ရောက်နေထိုင်သူများကို ပိုင်ဆိုင်မှုမပြနိုင်ပါက ထောင်ဒဏ်(၅)နှစ်မှ (၁၀)နှစ် ထောင်ချ ခံရမည်ဖြစ်တယ်။
လာရောက်စစ်ဆေးရင်း သတိပေးတယ်လို့ အစစ်ခံရတဲ့ သူတွေပြောတာကို သိရတယ်။
မောင်မှန်ကန်
မြ၀တီ
