ဒေါ်အောင်ဆန်းစုကြည် ကျန်းမာရေး ပြန်လည်ကောင်းမွန်

အမျိုးသား ဒီမိုကရေစီ အဖွဲ့ချုပ် (NLD) အထွေထွေ အတွင်းရေးမှူး ဒေါ်အောင်ဆန်းစုကြည်သည် ယခင်ရက်ပိုင်းများက ကျန်းမာရေး ချို့ယွင်း နေရာမှ ယခု ပြန်လည် ကောင်းမွန်လာပြီ ဖြစ်ကြောင်း သိရသည်။

(ဓာတ်ပုံ - Getty Images)

“သာမန် ဖျားနာမှုသဘော လောက်ပါပဲ၊ ဒီနေ့အထိတော့ နားနေပါသေးတယ်၊ အအေးမိတဲ့သဘောပါ။ နောက်ရက်တွေ ရုံးချုပ်ကိုပြန် တက်နိုင်တော့မှာပါ”ဟု NLD ပြောခွင့်ရ ဦးအုန်းကြိုင်က ပြောသည်။

လွန်ခဲ့သည့်ရက်ပိုင်းများက မြန်မာပြည်တွင် အအေးပိုခဲ့ရာ ဇန်န၀ါရီ ၂၁ ရက်တွင် ဒေါ်အောင်ဆန်းစုကြည်သည် ထိုင်းနိုင်ငံခြားရေး ၀န်ကြီး မစ္စတာ ကဆစ် ဖိရုမ်းနှင့် တွေ့ဆုံခဲ့ပြီးနောက် ကျန်းမာရေးကြောင့် အနားယူနေခဲ့ရသည်။

ယနေ့ ပါတီ ဗဟိုအလုပ်အမှုဆောင် အစည်းအဝေးသို့ ဒေါ်အောင်ဆန်းစုကြည် မတက်ရောက်နိုင်သေးသော်လည်း ဖေဖော်ဝါရီ ၁၂ ရက်တွင် ကျရောက်မည့်  ပြည်ထောင်စုနေ့ အခမ်းအနားကို ပါတီရုံးချုပ်တွင် ပြုလုပ်သွားရန် ဆုံးဖြတ်ခဲ့ကြကြောင်း သိရသည်။